بستی قاسم خان میں زمین کے تنازعہ پر سوتیلے بھائیوں نے بہن پر بہیمانہ تشدد کیا ہے۔
پاکستان کے صوبے پنجاب کے شہر رحیم یار خان کے علاقے بستی قاسم خان میں افسوسناک واقعہ پیش آیا ہے جس کی ویڈیو بول نیوز کو موصول ہوگئی ہے۔
بستی قاسم خان میں بھائیوں نے اپنی بہن کو بدترین تشدد کا نشانہ بنایا اور گھر پر مارنے کے بعد باہر سڑک پر بھی تشدد کا نشانہ بناتے رہے اس دوران انہیں روکنے کی کسی نے ہمت نہیں کی۔
بول نیوز کے مطابق بستی خاسم خان کے رہائشی امیر بخش اور رسول بخش نے اپنی سوتیلی بہن کوثر بی بی کو زمین کے تنازعہ پر سرعام بہیمانہ تشدد کا نشانہ بنایا اور اسے سڑک پر گھیسٹے ہوئے لے گئے۔
سوتیلے بھائیوں کی جانب سے اپنی بہن کو سرعام تشدد کا نشانہ بنائے جانے کی ویڈیو فوٹیج بول نیوز کو موصول ہو گئی ہے۔
ویڈیو میں دیکھا جاسکتا ہے کہ امیر بخش اور رسول بخش اپنی سوتیلی بہن کو کس طرح تشدد کا نشانہ بنارہے ہیں۔
دوسری جانب متاثرہ خاتون کوثر بی بی نے کہا کہ سوتیلے بھائیوں نے پہلے بھی تشدد کیا تھا اور اس حوالے سے مقامی پولیس کارروائی کرنے میں روایتی سستی کا مظاہرہ کر رہی ہے ، مجھے انصاف مہیا کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News