بولی وڈ اداکارہ دیپیکا پڈوکون اس وقت اپنی بولڈ مناظر سے بھرپور فلم “گہرائیاں” کی کامیابی پر چاروں طرف سے داد وصول کر رہی ہیں۔

اداکارہ کو فلم میں اپنے بولڈ کردار کے لیے ہر طرف سے پذیرائی مل رہی ہے۔

دیپیکا نے شکن بترا کی ہدایت کاری میں بننے والی فلم میں “علیشا“ کا کردار ادا کیا تھا۔

گہرائیاں“ کی ریلیز کے چند دن بعد، دیپیکا نے اب انکشاف کیا ہے کہ ان کے والدین، پرکاش پڈوکون اور اجلا پڈوکون نے ان کی نئی فلم“ دیکھنے کے بعد کس طرح کے ردعمل کا اظہار کیا تھا۔

ایک خصوصی انٹرویو میں، دیپیکا نے بتایا کہ ان کے والدین گہرائیاں میں انہیں دیکھ کر بے حد فخر محسوس کرتے ہیں۔

دیپیکا نے کہا کہ انہیں بطور اداکارہ مجھ سے ملنا تھوڑا مشکل ہوتا ہے، اس لیے وہ عموماً وقت نکالتے ہیں۔ وہ میرا خاندان، میرے والدین ہیں۔ یہ ان پر اثر انداز ہوتا ہے، لیکن وہ میری کارکردگی پر بے حد تعریف اور فخر کرتے ہیں۔

اداکارہ نے مزید کہا کہ، “انہیں اس بات پر بھی فخر تھا کہ ہم نے فلم میں ذہنی صحت کو کس طرح دکھایا اور ہم نے اس سے کیسے نمٹا۔”تو ہاں، مجھے خوشی ہے کہ انہیں فخر ہے۔

دوسری جانب “گہرائیاں” پر فلم بینوں کی شدید تنقید کا سلسلہ جاری ہے۔

دیپیکا پڈوکون اور اننیا پانڈے کی فلم گہرائیاں حال ہی میں او ٹی ٹی پلیٹ فارم “ایمازون پرائم ویڈیو“ پر ریلیز کی گئی ہے، فلم کو ریلیز سے قبل ہی سخت تنقید کا سامنا کرنا پڑا کیونکہ اس میں بے باک مناظر دکھائے گئے تھے۔

اس حوالے سے فلم کے ہدایت کار اور مصنف شکن بترا نے بتایا کہ انہیں فلم کے حوالے سے ای میلز موصول ہو رہی ہیں جن میں زیادہ تر افراد ان پر سخت تنقید کررہے ہیں اور فلم کے حوالے سے سخت الفاظ اور گالیاں بھی دے رہے ہیں۔

ایک انٹرویو میں شکن بترا نے بتایا کہ بے شمار تنقیدی ای میلز کی گئیں جن میں سے ایک میں سخت گالیاں دی گئیں اور کہا گیا کہ ‘فلم بنانی نہیں آتی تو کیوں بناتے ہو؟ کچھ اور کرلیتے’۔

شکن کا کہنا تھا کہ جہاں فلم پر سخت تنقید کی جارہی ہے وہیں بعض افراد ان کی تعریف بھی کررہے ہیں اور فلم بنانے پر حوصلہ افزائی کر رہے ہیں۔