شاہ رخ خان کا شمار بالی ووڈ کے سپر اسٹارز میں ہوتا ہے، لیکن  ایک وقت ایسا بھی تھا جب اُنہوں نے ممبئی کے ایک تھیٹر میں اپنی ہی فلم کے ٹکٹ فروخت کیے تھے۔

بھارتی میڈیا رپورٹس کے مطابق کیونکہ شاہ رُخ اپنے مداحوں کو اکثر نئے تجربات کر کے حیران کرنا پسند کرتے ہیں اس لئے سال 1994 میں اپنی فلم ‘کبھی ہاں کبھی نہ’ کے افتتاحی دنوں میں شاہ رخ خان نے اس ہی عادت کو اپناتے ہوئے ایک نیا ٹرینڈ شروع کیا تھا۔

 انہوں نے اپنی فلم کی پروموشن کے لئے ایڈوانس ٹکٹ بکنگ ونڈو پر بیٹھ کر ٹکٹوں پر آٹوگراف دیتے ہوئے ٹکٹ فروخت کیے تھے۔

یہ فلم ان کی ابتدائی ریلیز میں سے ایک تھی جو آگے چل کر بہت مقبول بھی ہوئی۔

بھارتی میڈیا رپورٹ میں یہ بھی بتایا گیا ہے کہ فلم میکرز نے مبینہ طور پر عامر خان اور جوہی چاولہ کو ‘کبھی ہاں کبھی نہ’ کے لیے مرکزی جوڑی کے طور پر شامل کیا تھا اور شاہ رخ خان کو فلم میں دوسرا مرکزی کردار ادا کرنا تھا۔

لیکن عامر خان کچھ وجوہات کی بنا پر فلم سے باہر ہوگئے تھے جبکہ جوہی نے بھی اپنے شیڈول کا حوالہ دیتے ہوئے فلم چھوڑ دی تھی۔

جس کے بعد یہ فلم شاہ رُخ خان کو ملی اور ان کی بہترین اداکاری نے اس فلم کو کامیاب بھی کروایا۔