کراچی میں آج موسم دن میں گرم اور رات میں سرد رہنے کا امکان ہے۔
محکمہ موسمیات کے مطابق آج کم سے کم درجہ حرارت 12 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 28 ڈگری سینٹی گریڈ تک رہنے کا امکان ہے۔
ہوا میں نمی کا تناسب 65 فیصد ریکارڈ کیا گیا جبکہ اس وقت شہر میں 12کلو میٹر فی گھنٹہ کی رفتار سے شمال مشرقی ہوا چل رہی ہے۔
شہرقائد میں آج مطلع جزوی ابر آلود رہے گا تاہم آئندہ چوبیس گھنٹے شہر میں بارش کا کوئی امکان نہیں ہے۔
واضح رہے کہ ملک کے بیشتر شہروں میں آج موسم سرد اورخشک رہے گا۔
محکمہ موسمیات کے مطابق آج اسلام آباد سمیت صوبہ پنجاب کے بیشتر اضلاع میں موسم سرد اور خشک رہنے کا امکان ہے۔
اسلام آباد میں کم سے کم درجہ حرارت 2 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 30 فیصد تک رہنے کا امکان ہے۔
محکمہ موسمیات نے بتایا کہ صوبہ خیبرپختونخوا کے بیشتراضلاع میں بھی موسم شدید سرد اور خشک رہے گا تاہم پشاور ، چارسدہ ، نوشہرہ، صوابی اور گردونواح میں رات اور صبح کے اوقات میں دھند چھائے رہنے کا امکان ہے۔
محکمہ موسمیات نے مزید بتایا کہ صوبہ سندھ کے بیشتر اضلاع میں بھی آج موسم خشک اور سرد رہے گا تاہم سکھر،لاڑکانہ اورجیکب آباد میں رات اور صبح کے اوقات میں دھند کی توقع ہے۔
تازہ ترین اپڈیٹ کے مطابق بلوچستان کے بیشتر اضلاع میں آج موسم خشک جبکہ شمالی اضلاع میں شدید سرد رہے گا۔
دوسری جانب کشمیر اور گلگت بلتستان میں مطلع جزوی ابر آلو د اور موسم شدید سرد رہنے کا امکان ہے۔
واضح رہے کہ آج ریکارڈ کیے گئے کم ازکم درجہ حرارت میں لہہ منفی14، کالام منفی12، استور منفی09، اسکردو منفی08، زیارت، گوپس منفی07، ہنزہ ، بارہ مولہ ، پلوامہ منفی05، کوئٹہ ،دیر، مالم جبہ،پ اراچنار،قلات، بگروٹ ، شوپیاں منفی04، کاکول، اننت ناگ منفی02، چترال، سری نگر اور گلگت میں منفی 01ڈگری سینٹی گریڈ ریکارڈ کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News