گورنر خیبر پختونخوا نے کہا ہے کہ سرحد پار سے سیکیورٹی فورسز پر فائرنگ افسوسناک ہے۔
اپنے ایک بیان میں گورنر خیبر پختونخوا شاہ فرمان نے ضلع کرم میں سرحد پار سے سیکیورٹی فورسز پر فائرنگ کے واقعے کی شدید مذمت کی ہے۔
گورنر نے واقعے میں سکیورٹی فورسز کے پانچ اہلکاروں کی شہادت پر تعزیت کا اظہار کیا جبکہ گورنر نے شہداء کے اہل خانہ سے دلی ہمدردی کا اظہار کیا اور شہداء کے درجات بلندی کی دعا بھی ہے۔
گورنر خیبر پختونخوا شاہ فرمان نےکہا کہ سرحد پار سے سیکیورٹی فورسز پر فائرنگ افسوسناک ہے، سرحد پار سے دہشتگردی کے ایسے واقعات تشویشناک ہیں۔
واضح رہے کہ افغان بارڈر پر دہشت گردوں کی سرحد پار سے فائرنگ کے نتیجے میں 5 سیکیورٹی اہلکار شہید ہوگئے۔
پاک فوج کے شعبہ تعلقات عامہ(آئی ایس پی آر) کی جانب سے جاری کردہ بیان میں کہا گیا ہے کہ پاک افغان بارڈر پر دہشت گردوں نے سرحد پار سے فائرنگ کی ، دہشت گردوں نے ضلع کرم میں پاک افغان بارڈر پر فوجی جوانوں کو نشانہ بنایا۔
آئی ایس پی آر کے مطابق فائرنگ کے تبادلے میں دہشت گردوں کو بھاری جانی نقصان ہوا جبکہ دہشت گردوں کی فائرنگ سے5سیکیورٹی اہلکار شہید ہوگئے۔
آئی ایس پی آر کا کہنا ہے کہ شہید ہونے والوں میں لانس نائیک عجب نور، سپاہی ضیااللہ ، ناہید اقبال، سمیر اللہ اور ساجد علی شہید شامل ہیں۔
آئی ایس پی ار کا یہ بھی کہنا ہے کہ افغان عبوری حکومت ایسی سرگرمیوں کو روکنےکیلئے اقدامات کرے۔
آئی ایس پی آر کا مزید کہنا ہے کہ پاک فوج ملکی سرحدوں کے دفاع کیلئے پر عزم ہے، ہمارے بہادر جوانوں کی قربانیاں ہمارےعزم کو مضبوط کرتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News