یوکرین پر حملے بعد عالمی جوڈو فیڈریشن نے روس کے صدر ولادیمیر پیوٹن سے فیڈریشن کی اعزازی صدارت واپس لے لی ہے۔

واضح رہے کہ عالمی جوڈو فیڈریشن نے گزشتہ ہفتے یوکرین پر روسی افواج کے حملے کے بعد روسی شہر کاذان میں شیڈولڈ گرینڈ سلم ٹورنامنٹ بھی منسوخ کر دیا تھا۔

روس کے صدر انٹرنیشنل جوڈو فیڈریشن کے اعزازی صدر اور گرانڈ ایمبیسیڈر بھی تھے۔

روسی صدر ولادیمیر پیوٹن خود بھی جوڈو کھیل کے شوقین ہیں ، وہ بچپن میں اس کھیل کے باقاعدہ تربیت یافتہ کھلاڑی رہے ہیں، انہوں نے جوڈو کھیل پر ایک کتاب بھی لکھی تھی۔

روسی صدر ولادیمیر پیوٹن نے دورہ جاپان کے دوران انٹرنیشنل جوڈو فیڈریشن کے جاپان میں واقع ہیڈکوارٹرز کا بھی دورہ کیا تھا جو ٹوکیو میں قائم ہے۔

بین الاقوامی میڈیا کے مطابق روسی صدر کی جوڈو کھیل میں گہری دلچسپی تھی اور انٹرنیشنل جوڈو فیڈریشن کے چئیرمین ویزر اور یاشوہیرو کے ساتھ کافی گہرے تعلقات بھی تھے۔

فیڈریشن کے چئیرمین ویزر نے کہا ہے کہ یوکرین پر حملے کے بعد ہم نے روس مرکز میں واقع شہر کاذان میں مئی میں ہونے والا گرینڈ سلم انٹرنیشنل ٹورنامنٹ منسوخ کر دیا ہے۔

چئیرمین ویزر نے کہا کہ عالمی صورتحال پر ہماری گہری نظر ہے اور ہم عالمی برادری کے ساتھ ہیں