کراچی میں ابراہیم حیدری پولیس کا گٹکا مافیا اور منشیات فروشوں کےخلاف کریک ڈاؤن جاری ہے۔
تفصیلات کے مطابق پولیس نے بلوچ آباد اور ابراہیم حیدری گوٹھ سے 3 ملزمان کو گرفتار کر لیا ہے۔
پولیس کا کہنا ہے کہ گرفتار ملزمان کے قبضے سے 80 کلو سے زائد دیسی تیار کردہ گٹکا، ماوا اور ہیروئن برآمد ہوئی ہے۔
پولیس نے بتایا کہ گرفتار ملزم سکندر عرف شوکی ملزم شعیب کی منشیات فروخت کرتا ہے اور خود بھی نشے کا عادی ہے۔
گرفتار گٹکا فروش ملزمان پابندی کے باوجود علاقے میں گٹکا، ماوا فروخت کر رہے تھے، پولیس نے ملزمان کے زیر استعمال رکشہ بھی تحویل میں لے لیا۔
ضلع ملیر پولیس کے ترجمان نے بتایا کہ گرفتار ملزمان میں سکندر عرف شوکی، محمد رمضان اور امیر احمد شامل ہیں۔
واضح رہے کہ گرفتار ملزمان کے خلاف مقدمات درج کر لئے گئے ہیں اور مزید تفتیش جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News