پاکستان میری ٹائم سیکیورٹی ایجنسی کی جانب سے گوادر میں کامیاب سرچ اینڈ ریسکیو آپریشن کرتے ہوئے ماہی گیر کی کشتی کو عملے سمیت محفوظ مقام پر منتقل کردیا گیا ہے۔

گزشتہ روز  پی ایم ایس اے بیس نے گوادر کے قریب ایک کشتی کو ہنگامی حالات میں بچایا اور بحاظت محفوظ مقام پر منتقل کیا۔

اس حوالے سے گوادر کے رہائشی رحیم بخش نے بتایا کہ ان کی کشتی النوید رجسٹریشن نمبر 1676Bچار اہلکاروں کے ساتھ لاپتہ ہے جس میں ان کا بیٹا نوید بطور ناخدا شامل ہے۔

پی ایم ایس اے نے فوری طور پر اپنی بوٹ روانہ کی اور سر بندر کے قریب بتائے گے مقام کی طرف بڑھ گے۔

اس دوران شام 5 بجے کے قریب، پی ایم ایس اے کی بوٹ نے کشتی کو ہنگامی صورتحال میں پایا جس کے بعد عملے کو پانی، خوراک اور ادویات فراہم کیں اور کشتی کے ساتھ بحفاظت گوادر فشریز جیٹی تک پہنچا دیا۔

  بعد ازاں ناخدا نے بتایا کہ کشتی 26 مارچ کو گوادر سے سر بندر کے قریب ماہی گیری کے لیے روانہ ہوئی تھی۔  تاہم تیز ہوا کے باعث کشتی کا انجن ناکارہ ہو گیا۔

  گوادر ماہیگیر اتحاد نے ریسکیو کو سراہتے ہوئے کہا کہ پی ایم ایس اے ماہی گیروں کی کال پر ہمیشہ جوابدہ ہے۔

  پی ایم ایس اے سمندر میں زندگی کی حفاظت اور تمام آفات میں ہمارے ماہی گیروں اور ان کی کشتیوں کے تحفظ کے لیے پرعزم ہے۔