معروف اسٹریمنگ پلیٹ فارم نیٹ فلیکس نے صارفین کے لیے سبسکریشن فیس میں اضافہ کر دیا۔

غیر ملکی میڈیا رپورٹس کے مطابق یٹ فلیکس نے اعلان کیا ہے کہ نئے شوز اور فلموں میں مزید سرمایہ کاری کے لیے برطانیہ اور آئرلینڈ میں صارفین کے لیے سبسکرپشن فیس میں اضافہ کر دیا ہے۔

نیٹ فلیکس کے اس اعلان کے بعد برطانیہ میں نیٹ فلیکس کے مقبول ‘اسٹینڈر پلان’ جو ایک ہی وقت میں دو ڈیوائسز پر اسٹریمنگ کی اجازت دیتا ہے،کی ماہانہ قیمت 2 پاؤنڈ اضافے سے 10.99 پاؤنڈ ($14.48) ہو گئی ہے۔

کم ترین بیسک پلان استعمال کرنے والے صارفین کو اب 5.99 پاؤنڈز کی سابقہ قیمت کے بجائے 6.99 پاؤنڈ ادا کرنا ہوں گے جبکہ پریمیم پلان کی لاگت ایک ماہ کے لیے 15.99 پاؤنڈ ($21.07) مقرر کر دی گئی ہے۔

اس ہی طرح آئرلینڈ میں بیسک پلان میں 1 یورو کا اضافہ کیا گیا ہے جبکہ اسٹینڈرڈ اور پریمیم درجوں کی لاگت اب بالترتیب 14.99 یورو ($16.58) اور 20.99 یورو ($23.21) ہوگی۔

تمام نئے ممبران کے لیے 10 مارچ سے فیس میں اضافہ لاگو ہوگا جبکہ موجودہ اراکین کو ان کے متعلقہ بلنگ سائیکلوں کے لیے اس کے نافذ ہونے سے 30 دن پہلے Netflix کے ذریعے مطلع کیا جائے گا۔

واضح رہے کہ اس سے کچھ عرصہ قبل بھی نیٹ فلیکس نے کئی ممالک میں اپنی قیمتوں میں اضافہ کیا تھا۔