روسی وزیر خارجہ سرگئی لاوروف نے کہا ہے کہ ہم کیف کے قریب واقع بوچہ شہر سے متعلق خبروں کی حقیقت سامنے لائیں گے۔
غیر ملکی خبر رساں ادارے کے مطابق روسی وزیر خارجہ نے عرب لیگ کے یوکرین سے متعلق رابطہ گروپ کے ساتھ ماسکو میں ایک ملاقات کی۔ملاقات کے بعد پریس کانفرنس کے دوران روسی وزیر خارجہ نے روس اور مشرقی وسطیٰ و شمالی افریقی ممالک کے ساتھ تعلقات پر غور کرتے ہوئے کہا کہ یہ تعلقات یوکرین کی صورت حال کے باعث نہیں بلکہ ہمارے خلاف ناجائز پابندیوں کی وجہ سے متاثر ہو رہے ہیں جن کا اثر سب سے پہلےعالمی معیشت پر پڑرہا ہے۔
روسی وزیر خارجہ کا مزید کہنا تھا کہ بوچہ شہر کےمناظر درحقیقت یوکرین کی غیر مصدقہ خبروں کے پھیلاؤ اور ایک منفی پروپیگنیڈا کا نتیجہ ہیں۔ اس سے مشابہہ ایک واقعہ گزشتہ مہینے ماریوپول کے اسپتال پر بمباری کے نتیجے میں بھی سامنے آیا تھا جس کی حقیقت ہم نے افشاء کی تھی اور اب ہم بوچہ سے متعلق بھی حقائق دنیا کے سامنے لائیں گے۔
انہوں نے بتایا کہ روس اور یوکرین کے درمیان ویڈیو کانفرنس کے ذریعے مذاکرات جاری ہیں۔
یاد رہے، یکم اپریل کو بوچہ شہر روسی فوج سے آزاد کروا لیا گیا تھا جہاں یوکرینی فوج کو تباہ حال عمارتوں کے کھنڈرات اور سڑکوں پر 410 لاشیں ملی تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News