وزیر توانائی سندھ امتیاز شیخ کا کہنا ہے کہ تبدیلی حکومت کے کارناموں کا خمیازہ عوام کو بھگتنا پڑ رہا ہے۔
امتیاز شیخ نے توانائی بحران پر اپنے جاری کردہ بیان میں کہا کہ سابقہ حکومت کی ناکامیوں اور نااہلی کی وجہ سے عوام کو موسم گرما میں بھی گیس اور بجلی کی شدید لوڈشیڈنگ کا سامنا کرنا پڑ رہا ہے۔
انہوں نے کہا کہ بروقت ایل این جی کے سودے نہیں کیے گئے جس کی وجہ سے ملک سنگین توانائی بحران کا شکار ہے، غیر ملکی کمپنی نے مارچ اور اپریل کے لئے لیے ایل این جی کے دو کارگوز منسوخ کردیئے جس کی تمام تر ذمہ داری سابقہ حکومت پر عائد ہوتی ہے۔
انکا کہنا ہے کہ مہنگی ایل این جی خریدنے کے باوجود سودے منسوخ کیے گئے ہیں؟ کارگوز کی منسوخی کی وجہ عمران خان کے اے ٹی ایمز سے کمیشن پر متفق نہ ہونا ہوسکتی ہے، ان ہی بلیک لسٹ کمپنیوں سے سابقہ حکومت نے دوبارہ تاریخ کے مہنگے سودے کر کے قومی خزانے کو نا قابل تلافی نقصان پہنچایا۔
وزیر توانائی سندھ نے کہا کہ سابقہ حکومت نے غیر معمولی قرضے بغیر سوچے سمجھے اضافی انٹریسٹ پر لئے، جس کی وجہ سے ملک میں ڈالر مہنگا ہوگیا۔
امتیاز شیخ نے کہا کہ ڈالر مہنگا ہونے کی وجہ سے پیٹرولیم مصنوعات کے سودے مہنگے ہو رہے ہیں، یہی وجہ ہے کہ موجودہ نومنتخب حکومت کو غیر معمولی توانائی اور معاشی بحرانوں کا سامنا کرنا پڑ رہا ہے۔
انہوں نے مزید کہا کہ موجودہ حکومت کو توانائی بحران سے نمٹنے کے لیے ہنگامی بنیادوں پر اقدامات اٹھانے کی تجویز دی ہے، پیٹرولیم لیوی اور فیول ایڈجسٹمنٹ کے نام پر پیٹرولیم مصنوعات، گیس اور بجلی کی قیمتوں کو فریز کرنے کی بھی تجویز پیش کی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News