انگلینڈ کرکٹ ٹیم کے لیگ اسپنرعادل رشید اہلیہ کے ہمراہ حج کی سعادت حاصل کرنے کے لیے سعودی عرب روانہ ہوگئے ہیں۔
تفصیلات کے مطابق انگلینڈ کرکٹ بورڈ(ای سی بی) اور یارکشائر نے لیگ اسپنر کو مکہ جانے کے لیے چھٹی دے دی ہے۔
عادل رشید بھارت کے خلاف انگلینڈ کی وائٹ بال سیریز اور یارکشائر کی ٹی ٹوئنٹی بلاسٹ کے آخری مراحل میں ٹیم کے ہمراہ نہیں ہوں گے۔
لیگ اسپنر نے اس سال کے شروع میں فیصلہ کیا تھا کہ وہ حج کرنے کے لیے اپنی زندگی میں صحیح وقت نکالیں گے،وہ مکہ کے لیے روانہ ہوگئے ہیں اور توقع ہے کہ جولائی کے وسط میں جنوبی افریقہ کے خلاف انگلینڈ کی وائٹ بال سیریز سے پہلے ان کی واپسی ہوگی۔
نیدرلینڈز کے خلاف سیریز جیتنے کے بعد عادل رشید نے اپنے ایک بیان میں کہا تھا کہ میں بہت پہلے سے سوچ رہا تھا کہ میں جاؤں گا لیکن مجھے وقت کے ساتھ یہ بہت مشکل لگ رہا تھا لیکن اس سال مجھے محسوس ہوا کہ میں یہ کروں گا۔
انہوں نے کہا کہ میں نے ای سی بی اور یارکشائر سے اس کے بارے میں بات کی اور انہوں نے کہا کہ ہاں، آپ وہ کریں جو آپ کو کرنا ہے ۔
عادل رشید نے کہا کہ یہ ایک بہت بڑا لمحہ ہے، ہر عقیدے کی اپنی الگ الگ چیز ہے لیکن مسلمان ہونے کے ناطے یہ سب سے بڑی چیزوں میں سے ایک ہےیہ میرا ایمان ہے،میں جانتا تھا کہ مجھے ایسا کرنے کی ضرورت ہےمیں جوان،مضبوط اور صحت مند ہوں یہ وہ چیز ہے جس کا میں نے اپنے آپ سے وعدہ کیا ہے کہ میں کروں گا۔
عادل راشد کی غیر موجودگی میں امکان ہے کہ میٹ پارکنسن کو بھارت کے خلاف محدود اوورز کی سیریز میں کھیلنے کا موقع ملے گا،جب انہوں نے اس ماہ کے شروع میں نیوزی لینڈ کے خلاف جیک لیچ کے متبادل کے طور پر اپنا ٹیسٹ ڈیبیو کیا تھا۔
واضح رہے کہ بھارت اور انگلینڈ کے درمیان 3،3 میچوں کی ٹٰ ٹوئنٹی اور ون ڈے سیریز کھیلی جائے گی جس کا آغاز 3 جولائی سے ہوگا۔پہلا ٹی ٹوئنٹی7 جولائی،دوسرا 9 جبکہ تیسرا ٹی ٹوئنٹی میچ 10 جولائی کو کھیلا جائے گا۔
دونوں ٹیموں کے درمیان پہلا ون ڈے 12 جولائی،دوسرا 14 جبکہ تیسرا اور آخری ون ڈے 17 جولائی کو کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News