بالی ووڈ کے بےتاج بادشاہ شاہ رخ خان کے بیٹے آریان خان ایک اور مشکل میں پھنس گئے۔

 ممبئی کروز شِپ منشیات کیس میں آریان خان کو این سی بی نے کلین چٹ تو دے دی  لیکن اس کے باوجود ان کی تمام حرکات پر سب نے  نظریں جمالی ہیں ۔

سوشل میڈیا پر آریان خان کی ایک ویڈیو وائرل ہوئی جس میں وہ کلب میں پارٹی کے دوران شراب پیتے نظر آرہے ہیں۔

So Aryan Khan back to his ostentatious lifestyle! Just when Money & Power overplay Law & Order,accused get promoted for further crimes! @narcoticsbureau @dg_ncb clean chit to this accused is only going to play more havoc!

Advertisement

Salute to the honest efforts of @swankhede_IRS pic.twitter.com/034EYfxJ7x

— deepali 🇮🇳 (@deepali53882005) July 19, 2022

اس ویڈیو کے منظر پر آتے ہی سوشل میڈیا صارفین نے شاہ رخ خان کے بیٹے کو آڑے ہاتھوں لیتے ہوئے  تنقید کا نشانہ بنانا شروع کر دیا ہے۔

تنقید کرنے والوں کے ساتھ ساتھ کئی لوگ آریان کی حمایت میں بھی بول رہے ہیں۔

مخالفین کا کہنا ہے کہ آریان خان  پھر سے اپنی پرانی زندگی میں لوٹ آئے، مال اور دولت ہونے پر یہی ہوتا ہے۔ شاہ رخ کا بیٹا غیر ذمے دار ہے۔

دوسری جانب آریان کی حمایت کرنے والوں کا کہنا ہے کہ وہ بچے نہیں بلکہ بڑے ہوچکے ہیں اور اپنی زندگی جینے کا حق رکھتے ہیں۔

واضح رہےکہ رواں سال مئی میں نارکوٹکس کنٹرول بیورو (این سی بی) نے منشیات کیس میں چارج شیٹ دائر کی ، جس میں آریان خان کو منشیات رکھنے کے الزام میں کلین چٹ دے دی گئی ہے۔

این سی بی کی جانب سے نوٹس جاری کیا گیا جس میں این سی بی نے 14 افراد کے خلاف چارج شیٹ داخل کی ہے، تاہم اس میں آریان خان کا نام شامل نہیں ہے۔

بھارتی میڈیا کا کہنا ہے کہ این سی بی کی جانب سے پیش کردہ چارج شیٹ میں لکھا ہے کہ اداکار شاہ رُخ خان کے بیٹے آریان خان اور موہک جیسوال کے علاوہ تمام ملزمان کے قبصے سے منشیات برآمد ہوئی۔

سرکاری نوٹ میں کہا گیا ہے کہ ایس آئی ٹی کی طرف سے کی گئی تحقیقات کی بنیاد پر 14 افراد کے خلاف این ڈی پی ایس ایکٹ کی مختلف دفعات کے تحت شکایت درج کی جا رہی ہے۔ 6 دیگر افراد کے خلاف عدم ثبوت کی وجہ سے شکایت درج نہیں کی جا رہی ہے۔

واضح رہےکہ گزشتہ سال اکتوبر میں بھارتی نارکوٹکس کنٹرول بیورو نے کروز شپ پر جاری پارٹی پر چھاپہ مارا کر 10 افراد کو گرفتار کیا تھا ، جن میں شاہ رخ خان کا بیٹا بھی شامل تھا۔

بھارتی میڈیا کے مطابق اس کارروائی کے دوران کروز شپ سے منشیات بھی قبضے میں لی گئی تھی اور مقدمہ درج کر کے  تفتیش کی گئی ۔

یہاں یہ بات بھی قابل ذکر ہےکہ ابھی تک سپر اسٹار شاہ رخ خان کی جانب سے اس معاملے پر کوئی بیان جاری نہیں کیا گیا۔

شاہ رخ خان کے بیٹے آریان خان کو منشیات کے اس کیس میں حراست میں لینے کے بعد نارکوٹکس کنٹرول بیورو کے حکام نے کئی روز تک پوچھ گچھ بھی کی۔

اس کیس میں تین لڑکیوں سمیت  دیگر افراد کو حراست میں لیا گیا تھا۔