نثار کھوڑو نے کہا ہے کہ عمران خان بھلے سندھ آئیں انہیں سندھ سے کچھ نہیں ملے گا۔
تفصیلات کے مطابق پاکستان پیپلز پارٹی سندھ کے صدر نثار کھوڑو کا پیپلز پارٹی کے تمام ضلعی صدور و پیپلز پارٹی کے دیگر تنظیمی رہنماؤں سے رابطہ ہوا جس میں انہوں نے بارشوں کے پیش نظر سندھ بھر میں پیپلز پارٹی رہنماؤں کو انتظامیہ کے ساتھ مل کر نکاسی آب سمیت بارش متاثرین کی فوری مدد کرنے کی ہدایت کی۔
انہوں نے کہا کہ پیپلز پارٹی کے سندھ بھر کے تمام تنظیمی ذمیداران نچلی سطح تک مقامی انتظامیہ کے ساتھ مل کر بارش کے پانی کی نکاسی کے لئے فوری کردار ادا کریں۔
نثار کھوڑو نے یہ بھی کہا کہ سڑکوں گلیوں میں پانی کھڑا ہے وہاں فوری طور پر انتظامیہ کو نشاندھی کرکے ان علاقوں سے نکاسی آب کے لئے اقدامات کئے جائیں۔
پاکستان پیپلز پارٹی سندھ کے صدر کا کہنا تھا کہ پارٹی رہنما فوری طور پر انتظامیہ کے ساتھ سندھ بھر میں بارش سے متاثرہ لوگوں کے پاس پہنچیں اور ان کی مدد کریں۔
ان کا یہ بھی کہنا تھا کہ پیپلز پارٹی کی سندھ حکومت سندھ کے بارش متاثرین کی ہر مدد کرے گی جبکہ عمران خان بھلے سندھ آئیں انہیں سندھ سے کچھ نہیں ملے گا۔
نثار کھوڑو نے کہا کہ اپنے دور حکومت میں سندھ کو این ایف سی، ترقیاتی فنڈز، پانی ،بجلی گیس سمیت دیگر حقوق سے محروم رکھنے والے عمران خان کس منہ سے سندھ آئینگے۔
پاکستان پیپلز پارٹی سندھ کے صدر سینیٹر نثار کھوڑو کا مزید کہنا تھا کہ سندھ کی عوام عمران خان کے فتنے اور جھوٹے جھانسے میں آنے والی نہیں ہے، ضمنی انتخابات اور بلدیاتی انتخابات کے دوسرے مرحلے میں بھی سندھ کی عوام عمران خان اور پی ٹی آئی کو مسترد کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News