مسلم لیگ (ن) کے قائد میاں محمد نواز شریف اپنی صاحبزادی کے ہمراہ لندن سے یورپ روانہ ہوگئے ہیں۔ 

تفصیلات کے مطابق سابق وزیراعظم اور مسلم لیگ (ن) کے قائد نواز شریف اپنی صاحبزادی اور مسلم لیگ (ن) کی نائب صدر مریم نواز کے ہمراہ یورپ کے لیے روانہ ہوگئے ہیں۔

ذرائع کا کہنا ہے کہ نوازشریف کے ہمراہ ان کے فیملی کے دیگر ارکان موجود ہیں جب کہ مریم نواز کے صاحبزادے جنید صفدر بھی ان کے ہمراہ ہیں۔

ذرائع کے مطابق مسلم لیگ (ن) کے قائد نواز شریف فیملی کے ہمراہ 5 یورپی ممالک کا دورہ کریں گے، وہ فیملی کے ہمراہ ‪آج صبح لندن سے یورپ کے لیے روانہ ہوئے ہیں، مریم نواز، نوازشریف اور دیگر ایک ہفتہ یورپ میں قیام کریں گے۔

اس سے قبل نواز شریف علاج کی غرض سے 20 نومبر 2019 کو لاہور سے لندن گئے تھے اور انہیں کچھ دن پہلے ہی سفارتی پاسپورٹ جاری ہوا ہے۔

واضح رہے کہ سابق وزیراعظم نواز شریف کا لندن میں 3 سال قیام کے دوران برطانیہ سے یہ پہلا سفر ہے جس میں وہ کسی دوسرے ملک کے لیے روانہ ہوئے ہیں جب کہ مریم نواز بھی ان دنوں لندن میں بھی اپنے والد کے ساتھ موجود ہیں۔