پاکستان تحریک انصاف بلوچستان کی جانب سے آج شٹر ڈاؤن ہڑتال کا اعلان کیا گیا ہے۔
پاکستان تحریک انصاف کے چیئرمین عمران خان پر قاتلانہ حملے کے خلاف کوئٹہ میں کارکنوں نے کوئلہ پھاٹک کے قریب ٹائر جلا کر سڑک بند کردی۔ مظاہرین نے موجودہ حکومت اور پی ڈی ایم اتحاد کے خلاف شدید نعرے بازی کی۔
بعد ازیں پاکستان تحریک انصاف بلوچستان کے صدر قاسم خان سوری اور جنرل سیکرٹری منیر بلوچ و دیگر نے پریس کانفرنس کرتے ہوئے کہا کہ آج کا دن پاکستان کی تاریخ کا سیاہ دن ہے، چیف جسٹس پاکستان واقعہ کا نوٹس لیں واقعہ کے خلاف 4 نومبر کو بلوچستان بھر میں شٹر ڈاؤن ہڑتال ہوگی جب کہ سہ پہر 3 بجے کوئلہ پھاٹک سے منان چوک تک احتجاجی ریلی نکالیں گے۔
انہوں نے کہا کہ وکلاء بار سے بھی عدالتی بائیکاٹ کا مطالبہ کیا ہے جس پر کوئٹہ بار نے عدالتی بائیکاٹ کا اعلان کردیا ہے۔
انجمن تاجران بلوچستان اور چمبر آف کامرس نے بھی پرامن ہڑتال کی حمایت کی ہے اس موقع پر جنرل سیکرٹری ڈاکٹر منیر بلوچ نے کہا کہ کل ہماری کور کمیٹی کا اجلاس ہے جس میں بلوچستان سے لانگ مارچ کی روانگی کے حوالے سے پلان تشکیل دیں گے۔
ایک سوال کے جواب میں رہنماء تحریک انصاف قاسم سوری نے کہا کہ عمران خان پر حملہ آٹو میٹک گن سے کیا گیا واقعہ کے فوری بعد ملزم کی ویڈیو سامنے آنا مزید شکوک و شبہات پیدا کرتا ہے سب کو معلوم ہے کہ دھمکیاں کون دے رہا تھا عوام اب جاگ چکی ہے واقعہ میں 22 قتل کا مجرم رانا ثناءاللہ اور ان جیسی سوچ ملوث ہے
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News