ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے چوتھے روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق سونے کی قیمت میں بڑے اضافے کے بعد زبردست کمی ریکارڈ کی گئی تاہم ملک بھر میں سونے کی فی تولہ قیمت 350 روپے کمی کے بعد 1 لاکھ 53 ہزار 150 روپے ہوگئی ہے جبکہ 10 گرام سونے کی قیمت 301 روپے کمی کے  بعد 1 لاکھ 31 ہزار 301 روپے ہوگئی ہے۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 350 روپے کمی کے بعد 1 لاکھ 53 ہزار 150 روپے ہوگئی ہے جبکہ 10 گرام سونے کی قیمت 301 روپے کمی کے بعد 1 لاکھ 31 ہزار 301 روپے ہوگئی ہے۔

ایسوسی ایشن کے مطابق عالمی صرافہ بازار میں سونے کا بھاؤ ایک ہزار 708 ڈالر برقرار ہے۔

دوسری جانب فی تولہ چاندی کی قیمت بغیر کسی تبدیلی کے 1660روپے اور دس گرام چاندی کی قیمت بھی بغیر کسی تبدیلی کے 1423.18 روپے کی سطح پر مستحکم رہی۔