اسلام آباد ضلعی انتظامیہ نے چیئرمین پی ٹی آئی کو ہیلی کاپٹر کی پریڈ گراؤنڈ میں لینڈنگ کی اجازت دینے سے انکار کردیا۔ 

حقیقی آزادی مارچ کی قیادت کیلئے چیئرمین تحریک انصاف عمران خان کی بذریعہ ہیلی کاپٹراسلام آباد آمد کے معاملے میں رہنما پی ٹی آئی علی نواز اعوان کا کہنا ہے کہ وفاقی حکومت کے اپنی الرٹس کے مطابق چیئرمین تحریک انصاف کی سلامتی کو خطرات لاحق ہیں

علی نواز کے مطابق عمران خان کی پرامن حقیقی آزادی مارچ میں بہ حفاظت شرکت کیلئے ہیلی کاپٹر کا استعمال اہم ہے۔ جی ایچ کیو کے این او سی کے بعد وفاقی حکومت کے پاس ہیلی کاپٹر کی آمد و روانگی کی راہ میں رکاوٹ ڈالنے کا کوئی جواز نہیں۔

ڈپٹی کمشنر کے مطابق ہیلی اتارنے کی اجازت کسی صورت نہیں دی جائے گی۔

تحریک انصاف کے رہنماؤں کا کہنا ہے کہ انتظامیہ عمران خان کی جان کو خطرے میں ڈال رہی ہے۔ انتظامیہ عمران خان کی جان سے کھیلنا چاہتی ہے۔ اگرعمران خان کو کچھ بھی ہوا تو وفاقی حکومت کے خلاف کاروائی کریں گے۔

ایک اور خط

تحریک انصاف نے اسلام آباد انتظامیہ کو پریڈ گراؤنڈ میں ہیلی کاپٹر اتارنے کی اجازت دینے کے لیے ایک اور خط لکھ دیا۔

خط میں علی نواز اعوان نے ڈی سی اسلام آباد کو کھا ہے کہ کسی ایمرجنسی کی صورت میں ہیلی کاپٹر کو اتارنے کی اجازت دی جائے۔

خط میں مطالبہ میں کیا گیا ہے کہ صبح گیارہ بجے سے پانچ بجے پریڈ گراؤنڈ میں ہیلی کاپٹر اتارنے کی اجازت دی جائے۔