لاہورہائی کورٹ نے میڈیکولیگل پنجاب کے پیش نہ ہونے پرگرفتارکرکے پیش کرنے کا حکم دے دیا۔

تفصیلات کے مطابق لاہورہائی کورٹ نے زیادتی کے ملزم کی مبہم میڈیکل رپورٹ پیش کرنے پرسخت اظہار برہمی کرتے ہوئے میڈیکولیگل پنجاب کے پیش نہ ہونے پرناقابل ضمانت وارنٹ جاری کرتے ہوئے گرفتارکرکے پیش کرنے کا حکم دے دیا۔

لاہور ہائیکورٹ کے جسٹس ملک شہزاد نے کیس کی سماعت کی، ملزم کامران اسلم کے وکیل جاوید عمران رانجھا نے دلائل دیے۔

انہوں نےبتایاکہ ملزم نےخاتون سےپسند کی شادی کی زیادتی کے الزامات بے بنیاد ہیں، استدعا ہےعدالت ملزم کی درخواست ضمانت منظور کرے۔

ملزم کی مبہم میڈیکل رپورٹ پیش کرنے پرعدالت نےسخت اظہار برہمی کیا۔ عدالت نےکہامیڈیکل افسر نے اتنے حساس کیس میں غفلت کا مظاہرہ کیوں کیا۔

عدالت نے میڈیکولیگل پنجاب کےپیش نہ ہونے پر ناقابل ضمانت وارنٹ جاری کرکےگرفتار کرکے پیش کرنے کا حکم دیا اور ہدایت کی کہ ملزم کو دولاکھ کےضمانتی مچلکے جمع کرانے پر گرفتار نہ کرے۔ عدالت نے سیکرٹری صحت پنجاب، سی ای او ہیلتھ اور میڈیکل آفیسرضلع منڈی بہاؤالدین کوبھی آئندہ سماعت پر طلب کرلیا۔

عدالت نے کیس کی سماعت 25 نومبر تک ملتوی کردی۔