سابق وزیراعظم عمران خان پر گوجرانوالہ میں قاتلانہ حملہ کرنے والے شخص کا بیان سامنے آگیا۔

حملہ آور کا کہنا تھا کہ وہ صرف عمران خان کو مارنا چاہتا تھا، اس کے پیچھے کوئی نہیں ہے اور نہ ہی کوئی اس کے ساتھ ہے ، اس نے اکیلے ہی یہ کام کیا ہے۔

ملزم کا مزید کہنا تھا کہ عمران خان پر حملہ اس لیے کیا کہ اذانیں ہو رہی تھیں اور ڈیک لگائے ہوئے تھے، شورکر رہے تھے، میرے ضمیر نے گوارا نہیں کیا۔

حملہ آور نے مزید بتایا کہ جس دن سے لانگ مارچ لاہور سے چلا اس دن سے اس نے حملہ کرنے کا سوچ لیا تھا۔

یہ جس پولیس افیسر نے ملزم کی بیان کی ویڈیو بنا کر دی ہے وہ پولیس افیسر کو تفتیش میں شامل کیا جائے کیونکہ ایسے وقت میں ایسی ویڈیو بنا کر شئیر کرنا یہ مخالیفین کو بچانا ہے
دو بندے حملہ آور تھے دونوں گرفتار ہوئے ہیں۔ اچانک جلدی میں فوراً ویڈیوںبنانا اور شئیر کرنا کیوں اتنی جلدی ہے

— Usman Dar (@UdarOfficial) November 3, 2022

پی ٹی آئی رہنما عثمان ڈار نے کہا کہ یہ جس پولیس افیسر نے ملزم کی بیان کی ویڈیو بنا کر دی ہے وہ پولیس افیسر کو تفتیش میں شامل کیا جائے کیونکہ ایسے وقت میں ایسی ویڈیو بنا کر شئیر کرنا یہ مخالفین کو بچانا ہے۔

کچھ لوگوں نے ملزم کا اقراری بیان لیکر فورا خاص میڈیا کو بھی پہنچا دیا۔
بیان کچھ چینلز حتی کہ پی ٹی وی پر بھی چلایا جا رہا ہے کچھ سمجھ آئی؟

اس کو مشہدی رنگ دینے کی کوشش ہے۔ یہ سیدھا سیدھا قاتلانہ حملہ ہے۔ اور ہم اس کا بدلہ لیں گے۔

— Dr. Shahbaz GiLL (@SHABAZGIL) November 3, 2022

دوسری جانب شہباز گل نے ٹوئٹ کرتے ہوئے کہا کہ کچھ لوگوں نے ملزم کا اقراری بیان لیکر فورا خاص میڈیا کو بھی پہنچا دیا، بیان کچھ چینلز حتی کہ پی ٹی وی پر بھی چلایا جا رہا ہے کچھ سمجھ آئی؟ اس کو مشہدی رنگ دینے کی کوشش ہے۔ یہ سیدھا سیدھا قاتلانہ حملہ ہے۔ اور ہم اس کا بدلہ لیں گے۔

عمران خان پر قاتلانہ حملہ

گوجرانوالہ میں لانگ مارچ کے دوران چیئرمین پی ٹی آئی عمران خان قاتلانہ حملے میں گولی لگنے سے زخمی ہوگئے ہیں تاہم ان کی حالت خطرے سے باہر ہے اور اب شوکت خانم میں انہیں طبی امداد دی جارہی ہے۔

ذرائع نے بتایا کہ عمران خان کا آزادی مارچ ایک سڑک سے گزر رہا تھا کہ اس دوران گلی سے ایک شخص نکلا اور کنٹینر کے قریب آکر فائرنگ کردی۔

حملہ آور کو دیکھ کو پی ٹی آئی کارکن نے پستول ہر ہاتھ مارا جس سے اس کا رخ بدل گیا اور کئی لوگ جسم کے نچلے حصوں پر گولیاں لگنے سے زخمی ہوئے۔