وزیراعظم کے مشیر برائے امور کشمیر و گلگت بلتستان قمر زمان کائرہ نے کہا ہے کہ بھارت کی کشمیر میں کٹھ پتلی حکومت لانے کی کوشش ناکام ہوگی۔
قمر زمان کائرہ نے اسلام آباد میں یوم یکجہتی کشمیر کی ریلی سے خطاب کرتے ہوئے کہا کہ 5 فروری کو اقوام عالم کے ضمیر کو جھنجھوڑا جاتا ہے، ہر سال 5 فروری کو یوم یکجہتی کشمیر منایا جاتا ہے۔
پاکستان کا ہر طبقہ کشمیریوں کے ساتھ ہے
انہوں نے کہا کہ پاکستان کا ہر طبقہ کشمیریوں کے ساتھ ہے، بھارتی ظلم کے باوجود کشمیری اپنے مؤقف سے پیچھے نہیں ہٹے، یوم یکجہتی کا مقصد دنیا کی توجہ مبذول کرانا ہے۔
یہ بھی پڑھیں: 5 فروری، کشمیریوں سے اظہارِ یکجہتی کا دن
مشیر امور کشمیر نے کہا کہ بھارت کشمیر میں عالمی سرمایہ کاری کی کوشش کررہا ہے، بھارت کی کوشش ہے دنیا کے ذہن سے کشمیر کا مقدمہ نکل جائے۔
انکا کہنا ہے کہ بھارت نے 75سال میں ظلم کی داستانیں رقم کیں، بھارت نے جذبہ آزادی ختم کرنے کیلئے مظالم کیے، بھارت کے تمام مظالم کے باوجود آزادی کا جذبہ ختم نہیں ہوا، بھارت کے تمام حربے ناکام ہوئے۔
بھارت کشمیر کی اکثریت کو اقلیت میں بدل رہا ہے
قمر زمان کائرہ نے کہا کہ بھارت کشمیر کی اکثریت کو اقلیت میں بدل رہا ہے، بھارت کشمیر میں کٹھ پتلی حکومت لانے کی کوشش کررہا ہے، بھارت کی تمام کاوشیں ناکام ہوں گی۔
انہوں نے مزید کہا کہ ہر طبقہ فکر کشمیریوں کے منصفانہ مطالبات کے ساتھ ہے، یو این، سیکیورٹی کونسل نے کشمیریوں کے مطالبات کو تسلیم کیا۔
واضح رہے کہ پاکستان سمیت دنیا بھر میں آج کشمیریوں سے اظہار یکجہتی کا دن منایا جارہا ہے، جس کا مقصد کشمیری عوام کے ساتھ اظہار یکجہتی کرنا ہے۔
پاکستان میں سب سے پہلے کشمیر سے یکجہتی کا دن 5 فروری کو 1991 سے ہر سال منایا جاتا ہے تاہم بھارت کی جانب سے مقبوضہ کشمیر کی خصوصی حیثیت ختم کرنے اور لاک ڈاؤن کے نفاذ کے باعث اس دن کی اہمیت میں اضافہ ہوگیا ہے۔
تاہم کم لوگ ہی یہ جانتے ہیں کہ پاکستان میں اس دن کو منانے کی شروعات کب اور کیسے ہوئی اور کس شخصیت نے سب سے پہلے ریاستی سطح پر اس دن کو منانے کا مطالبہ پیش کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News