بیروت میں حکومت کی جانب سے نقد رقم نکلوانے کی پابندی پر شہریوں نے بینکوں کو نذرآتش کر دیا۔
عرب میڈیا کی رپورٹس کے مطابق کئی درجن لبنانی مظاہرین نے آج بیروت کے ایک محلے میں 6 بینکوں پر حملہ کر دیا اور توڑ پھوڑ کے بعد بینکوں کو نذرآتش کر دیا۔
واضح رہے کہ گزشتہ کئی سالوں سے نقد رقم نکالنے پر غیر رسمی پابندیوں اور تیزی سے بگڑتے معاشی حالات کے خلاف لبنانی عوام سڑکوں پر احتجاج کر رہی ہے۔
یہ بھی پڑھیں : لبنان میں 13 ہزار پاؤنڈ کی روٹی 30 ہزار پاؤنڈ میں، لمبی قطار کی اذیت الگ
عرب میڈیا نے بتایا کہ کم از کم چھ بینکوں کو نشانہ بنایا گیا تھا کیونکہ لبنانی پاؤنڈ جمعرات کو ایک نئے ریکارڈ کی کم ترین سطح پر پہنچ گیا تھا۔
https://twitter.com/thePSLt20/status/1626252333217910784
بیروت کے بدارو محلے میں ایک بینک میں آگ بجھانے والے عملے کے پانی کے چھڑکاؤ کے باعث پورے علاقہ دھووں کے بادل میں گھر گیا.
یاد رہے کہ 2019 کے بعد سے، لبنانی بینکوں نے امریکی ڈالر اور لبنانی پاؤنڈز کی واپسی پر پابندیاں عائد کر دی ہیں جو کبھی بھی قانون کے ذریعے باضابطہ نہیں تھے۔
جس کی وجہ سے جمع کنندگان قانونی چارہ جوئی کے ذریعے اور اکثر طاقت کے ذریعے اپنے فنڈز تک رسائی حاصل کرنے کی کوشش کرتے ہیں۔
چار سال قبل 2019 میں ملک کے مالیاتی شعبے کے متاثر ہونے کے بعد سے لبنانی پاؤنڈ اپنی قدر کا 98 فیصد سے زیادہ کھو چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News