انڈا ایک مکمل غذا ہے اور دنیا کی بڑی آبادی کی صبح کی پہلی غذا بھی یہی ہے۔ یہ بات تو جانتے ہیں کہ انڈا دو حصوں زردی اور سفیدی پر مشتمل ہوتا ہے ماہرین کا کہناہے دونوں ہی صحت بخش ہیں تاہم زردی میں کچھ ایسے اجزاء پائے جاتے ہیں جن کی زیادتی نقصان کا باعث بن سکتی ہے۔
تاہم انڈے کی سفیدی ایک کم کیلوریز والی غذا ہے اس میں کولیسٹرول یا سیر شدہ چکنائی نہیں ہوتی، جس کی وجہ سے انڈے کی سفیدی ایسے افراد کے لیے بہترین ہے، جو اپنے کولیسٹرول کی سطح کو توازن میں رکھنا چاہتے ہیں، یا دل کی بیماری یا ذیابیطس میں مبتلا ہیں۔
انڈے کی سفیدی میں چینی یا کاربوہائیڈریٹ نہیں ہوتا جبکہ یہ نہایت صحت بخش ہوتی ہیں اگر انہیں مناسب طریقے سے تیار کیا جائے تو نہ صرف وہ مزیدار ہوتی ہے بلکہ انڈے کی سفیدی غذائیت سے بھرپور بھی ہوتی ہے۔
امراض قلب سے تحفظ
یونیورسٹی آف میری لینڈ میڈیکل سینٹر کے مطابق، ایک انڈے کی سفیدی میں تقریباً 54 ملی گرام پوٹاشیم ہوتا ہے، جو کہ ہڈیوں اور دل کو صحت مند رکھنے ساتھ اور مجموعی طور پر خلیے اور اعضاء کے کام سے منسلک ایک اہم الیکٹرولائٹ اور معدنیات ہے۔ بہت سے مطالعات میں پوٹاشیم کو کم بلڈ پریشر سے منسلک کیا گیا ہے کیونکہ آج کے ماہر غذائیت کے مطابق، یہ خون کی نالیوں کو وسوڈیلیشن یا چوڑا کرنے کو فروغ دیتا ہے۔
پٹھوں کی صحت
پروٹین سے بھرپور انڈے کی سفیدی پٹھوں کی نشوونما کے لیے بہترین ہے۔ انڈے کی سفیدی کا باقاعدہ استعمال تھکاوٹ سے لڑنے، پٹھوں کو مضبوط بنانے اور قوت مدافعت کو بہتر بنانے میں مددگار ثابت ہوتا ہے۔
مضبوط ہڈیاں
انڈے کی سفیدی میں کیلشیم بکثرت پایا جاتا ہے۔ کیلشیم سے بھرپور غذائیں ہڈیوں کی صحت کے لیے بہترین ہیں۔ روزمرہ کی خوراک میں انڈے کی سفیدی کو شامل کرنا ہڈیوں کو مضبوط بنانے میں مدد دے سکتا ہے، اور فریکچر اور آسٹیوپوروسس کے خطرات کو بھی روک سکتا ہے۔ اس کے علاوہ، انڈے کی سفیدی ہڈیوں کی کثافت بڑھانے میں مدد گار ثابت ہوتی ہے۔
صحت مند جلد کی
انڈے کی جھلی میں کولیجن ہوتا ہے، جو انڈے کی سفیدی کے باہر اور خول کے بالکل اندر ہوتا ہے، جو انڈے کی حفاظت کا کام کرتا ہے۔ اگر آپ انڈے کی سفیدی کو الگ کرتے ہیں تو یہ جھلی بھی ساتھ آتی ہے۔ انڈے کی سفید میں موجود فائدہ مند پروٹین چہرے کی جھریوں کو دور کرنے میں معاون ثابت ہوتے ہیں۔
الیکٹرولائٹ
انڈا میں موجود پوٹاشیم جسم میں الیکٹرولائٹس کو یقینی بنانے میں سوڈیم کے برابر ہے۔ یہ فالج کو روکنے میں مدد کرتا ہے، پٹھوں کے معمول کے کام میں مدد فراہم کرتا ہے، اور دل کو صحت مند رکھتا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News