اسلام آباد میں ڈینگی کیسز بڑھنے لگے،  گزشتہ چوبیس گھنٹوں کے دوران اسلام اباد میں ڈینگی کے مزید 63 کیسز رپورٹ ہوئے۔

ڈی ایچ او کے مطابق گزشتہ چوبیس گھنٹوں کے دوران اسلام اباد میں ڈینگی کے مزید 63 کیسز رپورٹ ہوئے،  اسلام آباد میں ڈینگی سے متاثرہ مریضوں کی مجموعی تعداد 680 ہوگئی۔

ڈی ایچ او کی رپورٹ میں کہا گیا کہ  ڈینگی سے متاثر ہونے والے مریضوں میں 69 فیصد مرد جبکہ 31 فیصد خواتین ہیں، اسلام آباد کے دیہی علاقوں میں گزشتہ چوبیس گھنٹوں کے دوران 44 کیسز رپورٹ ہوئے، اسلام آباد کے شہری علاقوں میں چوبیس گھنٹوں کے دوران ڈینگی کے مزید 19 مریض رپورٹ ہوئے۔

ڈی ایچ اوکے مطابق شہری علاقوں میں ڈینگی کیسز کی مجموعی تعداد 215 ہو گئی، دیہی علاقوں میں ڈینگی کیسز کی مجموعی تعداد 465 ہو گئی، ڈینگی سے متاثرہ 206 مریض ہولی فیملی ہسپتال میں زیر علاج ہیں، فیڈرل جنرل ہسپتال میں 91،پمز میں 25 مریض زیر علاج ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں۔