گوگل کے ایک انجنیئر کا کہنا ہے کہ کرپٹو کرنسی میں انہیں کروڑوں روپے کا نقصان ہوا ہے۔
بھارتی میڈیا کی خبروں کے مطابق معروف سرچ انجن گوگل کے 22 سالہ انجنیئر ایتھن نگونلی نے انکشاف کیا کہ انہیں کرپٹو کرنسی میں سرمایہ کاری مہنگی پڑ گئی ہے۔
انجنیئر ایتھن نگونلی نے بتایا کہ اس نے نومبر 2021 اور جون 2022 کے درمیان کرپٹو میں 2 کروڑ روپے کھو دیئے۔
اورنج کاؤنٹی، کیلیفورنیا میں رہنے والے اس نوجوان تکنیکی ماہر نے نوجوانی سے پہلے ہی اپنے والدین کی مدد سے اسٹاک مارکیٹ میں سرمایہ کاری شروع کر دی تھی۔
ان کے سرمایہ کاری پورٹ فولیو میں ریٹائرمنٹ اور بروکریج اکاؤنٹس کے علاوہ دو گھروں میں ایک کروڑ روپے سے زیادہ شامل ہیں۔
انجنیئر ایتھن نگونلی نے میڈیا کو بتایا کہ ان کے نقصانات میں ان کی اصل سرمایہ کاری کا 24 لاکھ روپے اور ایک اندازے کے مطابق 41 لاکھ روپے کا غیر وصول شدہ منافع شامل ہے۔
انجنیئر ایتھن نگونلی نے بتایا کہ وہ پہلے ہی بٹ کوائن اور ایتھیریم میں تقریبا 33 لاکھ روپے کی سرمایہ کاری کر چکے ہیں، اس کے علاوہ انہوں نے شیبا انو اور ڈوگیکوئن جیسے الٹ کوائن میں چند سو ڈالر استعمال کیے تھے۔
22 سالہ شخص نے اخبار کو بتایا کہ بٹ کوائن کی قیمت اپنی تاریخ کی بلند ترین سطح پر پہنچنے کے بعد اس کے پاس تقریبا 42 لاکھ روپے کا اضافہ ہوا۔ لیکن 2021 کے آخر میں کرپٹو مارکیٹ نے ایک موڑ لیا ، اور 2022 کے موسم گرما تک بٹ کوائن کی قیمت 70 فیصد سے زیادہ گر گئی۔
انجنیئر ایتھن نگونلی کہتے ہیں کہ اپنی 67 لاکھ روپے کی غلطی سے انہوں نے جو سب سے بڑا سبق سیکھا ہے وہ یہ ہے کہ ‘صرف آپ کے پاس موجود پیسے کی سرمایہ کاری کریں اور قیاس آرائیوں پر مبنی سرمایہ کاری میں حصہ نہ لیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News