شاداب خان کا کہنا ہے کہ میری حالیہ فام بلکل اچھی نہیں رہی، ریسٹ ملنے سے میں ذہنی طور پر تازی دم ہوا ہوں، آرام ملنے سے کافی چیزیں تبدیل ہوئیں۔
پاکستان کرکٹ ٹیم کے نائب کپتان شاداب خان نے پریس کانفرنس کرتے ہوئے کہا کہ ابھی تک بھارت میں سب کچھ بہت اچھا رہا، بھارت میں ایئرپورٹ پر شاندار استقبال کیا گیا، اس طرح کے استقبال پر بہت زیادہ خوشی ہو رہی ہے۔
انہوں نے کہا کہ بحثیت ٹیم ہمارا ایشیا کپ اچھا نہیں رہا، یہی کرکٹ کی خوبصورتی ہے کہ آپ غلطیوں سے سیکھتے ہیں، اپ کے پاس موقع ہوتا ہے کہ اپ غلطیوں سے سیکھ کر انہیں بہتر کرنے کی کوشش کرتے ہیں، ایشیا کپ میں ہارنے کے بعد ہمیں ریسٹ ملا۔
شاداب خان کا کہنا تھا کہ کرکٹ اسکلز سے زیادہ دماغی کھیل بن چکا ہے، جب آپ ذہنی طور ہر ریلیکس ہوتے ہیں تو اچھے فیصلے کرتے ہیں، انڈیا میں کنڈیشنز پاکستان سے ملتی جلتی ہیں، وارم اپ میچ میں وکٹ راولپنڈی کی پچ کی طرح لگی، بلکل فلیٹ وکٹ تھی تاہم اگلا میچ کھیلنے سے ہمیں کنڈینشنز کا بہتر اندازہ ہو جائے گا۔
نائب کپتان کا کہنا تھا کہ میری حالیہ فام بلکل اچھی نہیں رہی، ریسٹ ملنے سے میں ذہنی طور پر تازی دم ہوا ہوں، آرام ملنے سے کافی چیزیں تبدیل ہوئیں، امید ہے آگے اچھی پرفارمنس دوں گا اور نئے مائنڈ سیٹ کے ساتھ کھلیلنے کی کوشش کروں گا جس سے ٹیم کو فائدہ ہو۔
شاداب خان نے کہا کہ جب آپ اسٹار ہوتے ہیں تو آپ سے پورے ملک کو توقعات بھی زیادہ ہوتی ہیں،چاہے آپ انڈیا میں یا کہیں اور کھیل رہے ہوں، ہم نے پوری دنیا میں کرکٹ کھیلی، بھارت میں ابھی تک نہیں کھیلے۔
انہوں نے مزید کہا کہ ورلڈکپ ایک ایسا پلیٹ فارم ہے کہ اگر آپ پرفارم کرت ہیں تو سپر اسٹار بن جاتے ہیں، بحثیت کھلاڑی آپ کے پاس موقع ہوتا ہے کہ ورلڈکپ میں اچھی پرفارمنس دے کر اسٹار بنیں، جتنے بھی کھلاڑی یہاں آئے ہیں انکی کوشش ہے کہ وہ پرفارمنس دے کر سپر اسٹار بنیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News