قطر میں فٹ بال ٹورنامنٹ کی مقامی منتظمین کمیٹی نے ایشیا فٹ بال کپ کے ٹکٹوں کی آمدنی فلسطنیوں کی امداد کے لیے دینے کا اعلان کیا ہے۔
تفصیلات کے مطابق قطر میں فٹ بال ٹورنامنٹ کی مقامی آرگنائزنگ کمیٹی نے اعلان کیا ہے کہ ملک میں ہونے والے ایشین کپ 2023 کے ٹکٹوں کی آمدنی فلسطینیوں کی امداد کی کوششوں میں مدد کے لیے عطیہ کی جائے گی۔
کمیٹی کے چیئرمین نے کہا کہ ہم نے فیصلہ کیا ہے کہ قطر میں ہونے والے ایشین کپ سے حاصل ہونے والی ٹکٹوں کی آمدنی فلسطین میں اشد ضروری امدادی کوششوں کے لیے عطیہ کی جائے گی۔
تاہم کمیٹی کے چیئرمین حماد بن خلیفہ الثانی نے اس بارے میں کوئی تفصیلات نہیں بتائیں کہ ٹکٹوں سے حاصل ہونے والی آمدنی کا کتنا حصہ امداد میں دیا جائے گا۔
حماد بن خلیفہ الثانی نے مزید کہا کہ ہمیں یقین ہے کہ کارپوریٹ سماجی ذمہ داری کی اس کو شش سے سب سے زیادہ متاثر ہونے والوں کو فائدہ پہنچے گا۔
حماد بن خلیفہ الثانی نے یہ بھی کہا کہ فٹ بال کا کھیل دشوار ترین وقت میں لوگوں کی مدد کے لیے، ایک طریقہ کار کے طور پر اپنا کردار ادا کرتا ہے۔
قطر جنوری میں شروع ہونے والے ایشین کپ کی میزبانی کرے گا اور اس نے دیگر خلیجی ممالک کی طرح مصر کے راستے غزہ کو پہلے ہی امداد اور طبی سامان عطیہ کیا ہے۔
گیس سے مالا مال خلیجی ریاست میں واقع مقامی اور بین الاقوامی کاروباری اداروں اور تنظیموں میں سے متعدد نے بھی فلسطینی سرزمین کے لیے فنڈز اکٹھا کرنے کے لیے اپنی مہم شروع کی ہے۔
اسرائیل نے 7 اکتوبر کو حماس کے حملے کے جواب میں غزہ پرحملے شروع کیے تھے جس میں اسرائیلی حکام کے مطابق 1,200 افراد، جن میں زیادہ تر عام شہری تھے، ہلاک اور 240 کو یرغمال بنا لیا گیا۔
حماس کے حملے کے بعد سے غزہ کی حماس کے زیرانتظام وزارت صحت کا کہنا ہے کہ فلسطینی سرزمین پر اسرائیلی بمباری سے 13,000 سے زیادہ افراد شہید ہوچکے ہیں.
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News