جنوبی کوریا کا کہنا ہے کہ شمالی کوریا نے اپنا ایک جاسوس سیٹلائٹ خلاء میں بھیج دیا ہے۔
برطانوی خبر رساں ادارے کی خبر کے مطابق جنوبی کوریا کا کہنا ہے کہ شمالی کوریا نے اپنا جاسوس سیٹلائٹ لانچ کر دیا ہے جس کے بارے میں جاپان کو پیشگی اطلاع دے دی گئی تھی۔
جبکہ جاپانی وزیر اعظم کے دفتر کا کہنا ہے کہ شمالی کوریا نے مشتبہ بیلسٹک میزائل داغا ہے۔
جاپانی حکام نے جنوبی جاپانی جزیرے اوکیناوا کے رہائشیوں سے کہا گیا ہے کہ وہ محتاط رہیں لیکن مقامی میڈیا کے مطابق میزائل کے بحرالکاہل میں گرنے کے بعد یہ حکم واپس لے لیا گیا۔
شمالی کوریا نے جاپان کو اس کے لیے نو دن کی مہلت دی تھی یہ مہلت بدھ سے شروع ہوگی اور 30 نومبر کو بند ہوگی، لیکن شمالی کوریا نے سیٹلائٹ مہلت شروع ہونے سے پہلے ہی لانچ کر دیا۔
اگر جاسوس سیٹلائٹ ہونے کی تصدیق ہو جاتی ہے تو یہ شمالی کوریا کی جانب سے رواں سال کسی سیٹلائٹ کو لانچ کرنے کی تیسری کوشش ہوگی۔
یہ واضح نہیں ہے کہ آیا یہ تازہ ترین لانچ کامیاب بھی تھی یا نہیں۔
اس سے قبل جاپان نے کہا تھا کہ وہ جنوبی کوریا اور امریکہ کے ساتھ مل کر شمالی کوریا پر زور دے گا کہ وہ میزائل تجربے کو آگے نہ بڑھائے، جس کے بارے میں ان کا کہنا تھا کہ یہ اقوام متحدہ کی قراردادوں کی خلاف ورزی ہوگی۔
جاپان کے کوسٹ گارڈ کا کہنا ہے کہ پیانگ یانگ کے نوٹیفکیشن میں تین سمندری علاقوں کی نشاندہی کی گئی ہے جن کے بارے میں خیال کیا جاتا ہے کہ یہ وہ علاقے ہیں جہاں سیٹلائٹ لے جانے والے راکٹ کا ملبہ گرے گا۔
ان علاقوں میں دو جزیرہ نما کوریا کے مغرب میں اور دوسرا فلپائن کے جزیرے لوزون کے مشرق میں ہے۔
جنوبی کوریا کے جوائنٹ چیفس آف اسٹاف کے چیف ڈائریکٹر آف آپریشنز کانگ ہو پل نے متنبہ کیا کہ اگر یہ لانچ جاری رہی تو سیئول ضروری اقدامات کرے گا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News