پاکستان سے تعلق رکھنے والے خاتون شہر بانو نے بیس بال کے کھیل میں سرٹیفائیڈ کوچنگ کورس پاس کر کے نئی تاریخ رقم کر دی ہے۔

تفصیلات کے مطابق پاکستانی خاتون شہر بانو نے چائنیز تائپے میں ہونے والے بیس بال کوچنگ کورس میں حصہ لے کر ملک کی پہلی سرٹیفائیڈ بیس بال کوچ کا اعزاز اپنے نام کر لیا ہے۔

یہ کورس  بیس بال فیڈریشن آف ایشیا کی جانب سے منعقد کیا گیا، پاکستان بیس بال فیڈریشن کی جانب سے شہر بانو نے اس کورس میں شرکت کی تھی۔

شہر بانو نے کورس مکمل کرکے پاکستان کی پہلی سرٹیفائیڈ کوچ بننے کا اعزاز حاصل کیا

چائنیز تائپے میں ہونے والا بیس بال کوچنگ کورس تین دن تک جاری رہا، کورس میں شریک شرکاء کو لیکچرز کے ساتھ عملی طور پر کوچنگ کے کورسز دیئے گئے۔

کورس میں شرکاء کو بیس بال کے نئے قوانین کے متعلق آگاہ کیا گیا، کورس کا مقصد مستقبل کے لیے ویمن کوچز کو تیار کرنا تھا

پاکستان بیس بال فیڈریشن کے صدر فخر علی شاہ کا کہنا ہے کہ شہر بانو کے کوچ بننے سے پاکستان میں ویمن بیس بال کو فروغ ملے گا۔