پاکستان ہاکی فیڈریشن کی مسند اقتدار پر قبضے کی جنگ کی وجہ سے قومی ہاکی ٹیم کی اولمپکس کوالیفائر میں شرکت مشکوک ہو گئی ہے۔
تفصیلات کے مطابق پاکستان ہاکی فیڈریشن میں سابق صدر خالد کھوکھر اور طارق بگٹی کے درمیان اقتدار کی جنگ کی وجہ سے قومی ہاکی ٹیم کے لیے نئی مشکلات کھڑی ہو گئی ہیں۔
رپورٹس کے مطابق ہاکی فیڈریشن کے نامزد صدر طارق بگٹی سابق صدر خالد کھوکھر کی اقتدار کی جنگ نے قومی ٹیم پر پابندی کے سائے گہرے کر دیئے ہیں۔
طارق بگٹی کی نامزدگی بطور صدر پی ایچ ایف ہوئی ضرور ہے مگر ابھی تک انٹرنیشنل ہاکی فیڈریشن نے ان کی تعیناتی کو تسلیم نہیں کیا ہے۔
شیڈول کے مطابق قومی ہاکی ٹیم کو 12 جنوری کو مسقط کے لیے اڑان بھرنی ہے جہاں وہ پیرس اولمپکس کے لیے کوالیفائرز مہم میں حصہ لے گی۔
دوسری جانب سابق صدر سجاد کھوکھر کا کہنا ہے کہ وہ اب بھی پی ایچ ایف کے صدر ہیں اور انہوں نے طارق بگٹی کی نامزدگی کو ہائی کورٹ میں چیلنج کرنے کا فیصلہ کیا ہے۔
پاکستان ہاکی فیڈریشن کے دو بڑے ہاتھیوں کی جنگ کا نتیجہ کیا نکلے گا اس کا فیصلہ آنے والا وقت کرے گا لیکن ماضی کے سنہرے دور کو واپس لانے کا وعدہ کرنے والے گزشتہ کئی سالوں سے ناکام ہی نظر آئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News