ثناء جاوید سے شعیب ملک کی شادی پر شاہد آفریدی کا ردعمل سامنے آگیا ہے۔
پاکستان کرکٹ ٹیم کے اسٹار آل راؤنڈر شعیب ملک نے حال ہی میں اداکارہ و ماڈل ثناء جاوید سے دوسری شادی کرلی ہے۔
دونوں کی شادی پر کئی کھلاڑیوں و شوہز ستاروں نے نیک خواہشات کا اظہار کیا تو کئی لوگ ایسے بھی تھے جنہوں نے جوڑے پر تنقید بھی کی۔
یہ بھی پڑھیں: شعیب ملک اور ثنا جاوید کی شادی؛ ثانیہ مرزا نے تہلکہ خیز انکشاف کردیا
تاہم قومی کرکٹ ٹیم کے سابق کپتان بوم بوم آفریدی کا ردعمل سامنے آگیا ہے جس میں انہوں نے شعیب ملک کے لیے نیک خواہشات کا اظہار کرتے ہوئے دعا دی۔
Shahid Afridi always
in savage mood #ShoaibMalikMarriage #BabarAzam𓃵 #SaniaMirzadivorce #Shahidafridi pic.twitter.com/5wbSKQX4EcAdvertisement— Mr Aj Memes (@MrAjMemes) January 23, 2024
ایک تقریب کے دوران صحافی کی جانب سے شعیب ملک کی شادی کے سوال پر ردعمل دیتے ہوئے شاہد آفریدی نے کہا ’’شعیب ملک کو دوسری شادی پر بہت بہت مبارکباد، اللہ تعالیٰ اس کو اس ہی لائف پارٹنر کے ساتھ ساری زندگی خوش رکھے‘‘۔
خیال رہے کہ شعیب ملک اور ثنا جاوید نے 20 جنوری کو انسٹاگرام پر شادی کی تصاویر شیئر کرتے ہوئے رشتہ ازدواج میں بندھنے کی تصدیق کی تھی۔
یہ بھی پڑھیں: شعیب ملک سے شادی کے بعد اداکارہ ثنا جاوید کا پہلا بیان سامنے آگیا
شعیب ملک کی پہلی شادی 2010 میں بھارتی ٹینس اسٹار ثانیہ مرزا کے ساتھ ہوئی تھی، جن سے انہیں 2018 میں بیٹا بھی ہوا اور ان کی درمیان 2023 میں طلاق ہوئی۔
اسی طرح ثنا جاوید کی پہلی شادی گلوکار و اداکار عمیر جسوال سے 2020 میں ہوئی اور ان کی بھی طلاق 2023 میں ہوئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News