آرٹیفیشل انٹیلی جنس یامصنوعی ذہانت ہم انسانوں کے بہت سارے کام ہم سے بہتر انداز میں کرنے لگی ہے اور مستقبل میں امکان ہے کہ یہ ایک اے آئی سافٹ ویئر کئی افراد کے برابر کام کر سکے گااسی کے پیش نظر گوگل الفابیٹ نے یہ عندیہ دیا ہے کہ اس کے تیس ہزار ملازمین جن کی اکثریت کا تعلق اشتہارات سے ہے یا تو ان کا انتظام نئے انداز سے سنبھالا جائے گا یا پھر ان کو ملازمت سے فارغ کر دیا جائے گا۔
واضح رہے کہ چند ٹیکنیکل ویب سائٹ کے علاوہ بعض حلقوں کا یہ دعویٰ ہے کہ گوگل ایک عرصے سے مصنوعی ذہانت یا اے آئی کو اشتہارات کی سیٹنگز اور اشتہارات کے انتظام کے لیے استعمال کرتا رہا ہے اوراس کے بہت اچھے نتائج سامنے آئے ہیں۔
یہی وجہ ہے کہ اس کم خرچ نسخے کی وجہ سے گوگل کے ایک دو نہیں بلکہ ہزاروں ملازمین کی ملازمت کو خطرہ لاحق ہوگیا ہے۔
سین داؤنی جو گوگل کے اشتہارات سے وابستہ کاموں کے انچارج ہیں جنوبی، شمالی اور وسطی امریکا کے لیے گزشتہ ہفتے ایک میٹینگ بلائی گئی تھی، اس میٹنگ کے اندر اشتہارات سے وابستہ ملازمین سے یہ کہا گیا تھا کہ گوگل انہیں ری آرگنائز کرے گا یا بڑے پیمانے پر انتظامیہ میں تبدیلیاں کی جائیں گی یا انہیں ملازمت سے فارغ کیا جائے گا، تاہم جب ٹیکنیکل ویب سائٹس نے اس حوالے سے جب گوگل سے رابطہ کیا تو اس نے کسی بھی قسم کا ردعمل دینے سے انکار کیا۔
تاہم اندرونی حلقوں کا کہنا ہے کہ ملازمین کو فارغ کرنے کا یہ سلسلہ تھمے گا نہیں اور مزید بارہ ہزار افراد کو بھی فارغ کیا جائے گا۔
گزشتہ برس کے جون میں بھی گوگل نے ویز ایپ کے بہت سارے ملازمین کو اس وقت فارغ کردیا تھا جب ویز کی پوری ایپ کو گوگل ایڈورٹائزمنٹ کی ٹیکنالوجی کے ساتھ ملا دیا گیا تھا یا اس میں سمو دیا گیا تھا۔
واضح رہے کہ گوگل ایک جانب تو بہت ساری اے آئی ٹیکنالوجی پر کام کررہا ہے جس میں بارڈ جوکہ گوگل کا اے آئی انجن ہے اور جسے آپ مفت استعمال بھی کر سکتے ہیں، اس کے علاوہ بہت سارے اے آئی پروگرامز اور سافٹ ویئر کوبدتریج گوگل کے اندر استعمال کیا جارہا ہے اور توقع ہے کہ وقت کے ساتھ ساتھ گوگل کی مصنوعی ذہانت یا اے آئی میں سرمایہ کاری، محنت اور افرادی قوت کی تعداد مزید بڑھے گی، یہاں آپ کو یہ بھی بتاتے چلیں کہ چیٹ جی پی ٹی کی مقبولیت کے ساتھ ساتھ دنیا بھر میں اس کے متبادل اوراس سے طاقت ور نظام کے اوپر کام جاری ہے جس میں فیس بک نے بھی اپنا کام شروع کر دیا ہے اور گوگل نے چیٹ جی پی ٹی کے مقابلے میں کوڈ ریڈ نامی اے آئی جنریٹرسافٹ ویئر لانے کا بھی اعلان کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News