نیوزی لینڈ  ٹیم نے  اپنی ٹیسٹ تاریخ میں پہلی مرتبہ جنوبی افریقہ کو ٹیسٹ سیریز میں شکست دے دی۔

تفصیلات کے مطابق کھیل کے چوتھے روز 40 رنز ایک کھلاڑی آؤٹ پر کھیل کا آغاز کیا اور کین ولیمسن کی 32ویں سنچری کی بدولت 267 رنز کا ہدف با آسانی 3 وکٹوں کے نقصان پر حاصل کرلیا۔

کین ولیمسن نے 133  اور ول ینگ نے 60 رنز کی ناقابل شکست اننگز کھیلیں۔

Kane Williamson’s brilliant ton headlines New Zealand’s seven-wicket victory over South Africa in the second Test 👏

Advertisement

The hosts take the series 2-0.#WTC25 | #NZvSA 📝: https://t.co/DanPmHfrsf pic.twitter.com/u8Ms2w3nl6

— ICC (@ICC) February 16, 2024

جنوبی افریقہ کی جانب سے ڈین پیڈٹ نے 3 وکٹیں حاصل کیں۔

جنوبی افریقی ٹیم اپنی دوسری اننگز میں 235 رنز بناکر آؤٹ ہوگئی تھی۔ڈیوڈ بیڈنگھم 110 اور کیگان پیٹرسن 43 رنز بناکر نمایاں رہے تھے۔

نیوزی لینڈ کی جانب سے ڈیبیو ٹنٹ ولیم اورورکے نے 5 ، گلین فلپس نے 2 جبکہ میٹ ہینری، نیل ویگنر اور رچن رویندرا نے ایک ایک وکٹ حاصل کی تھی۔

یاد رہے کہ ہیملٹن میں کھیلے گئے میچ میں جنوبی افریقہ نے ٹاس جیت کر پہلے بیٹنگ  کرتے ہوئے روان ڈی سوارڈٹ (64) کی نصف سنچری کی بدولت 242 رنز بنائے تھے۔

نیوزی لینڈ کی جانب سے ڈیبیو ٹنٹ ولیم اورورکے نے 4، رچن رویندرا نے 3 جبکہ ٹم ساؤتھی، میٹ ہینری اور نیل ویگنر  نے ایک ایک وکٹ حاصل کی تھی۔

نیوزی لینڈ نے اپنی پہہلی اننگز میں 211 رنز بنائے تھے۔کین ولیمسن 43 اور ٹام لیتھم 40 رنز بناکر نمایاں رہے تھے۔

جنوبی افریقہ کی جانب سے ڈین پیڈٹ نے 5، ڈین پیٹرسن نے 3 اور ٹشیپو موریکی نے ایک وکٹ حاصل کی تھی۔

اس فتح کے ساتھ نیوزی لینڈ نے سیریز 0-2 سے اپنے نام کرلی۔

واضح رہے کہ یہ ٹیسٹ کرکٹ کی تاریخ میں پہلا موقع ہے جب نیوزی لینڈ نے جنوبی افریقہ کو ٹیسٹ سیریز میں شکست دی ہے۔