صومالیہ میں دہشت گردوں کے ملٹری بیس پر حملے کے نتیجے میں 3 فوجی ہلاک ہو گئے ہیں، جن کا تعلق متحدہ عرب امارات سے ہے۔
خلیجی میڈیا کے مطابق متحدہ عرب امارات کی وزارت دفاع نے اتوار کے روز ایک بیان میں تصدیق کی ہے کہ صومالیہ میں دہشت گرد انہ حملے میں متحدہ عرب امارات کی مسلح افواج کے تین ارکان اور ایک بحرینی افسر ہلاک ہوا ہے۔
وزارت دفاع کا کہنا ہے کہ حملے میں ایک بحرینی افسر بھی ہلاک ہوا ہے جبکہ دو دیگر افراد زخمی بھی ہوئے ہیں۔
بیان میں مزید کہا گیا ہے کہ یہ حملہ اس وقت ہوا جب فوجی صومالی مسلح افواج کی تربیت اور اہلیت میں اپنے فرائض انجام دے رہے تھے، جو دونوں ممالک کے درمیان فوجی تعاون کے فریم ورک میں متحدہ عرب امارات اور جمہوریہ صومالیہ کے مابین دو طرفہ معاہدے کے تحت آتا ہے۔
وزارت دفاع نے فوجیوں کے اہل خانہ کے ساتھ تعزیت کا اظہار کیا اور حملے میں زخمی ہونے والے تمام افراد کی جلد صحت یابی کی دعا کی۔
مزید برآں، وزارت نے اس بات پر زور دیا کہ متحدہ عرب امارات اس دہشت گردانہ کارروائی کی تحقیقات کے لئے صومالی حکومت کے ساتھ قریبی تعاون کرنے کے لئے پرعزم ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News