اسرائیل غزہ پر حملے میں دو جوہری بموں جتنا بارود استعمال کرچکا ہے، اقوام متحدہ

ویب ڈیسک

27th Mar, 2024. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل غزہ پر حملے میں دو جوہری بموں جتنا بارود استعمال کرچکا ہے، اقوام متحدہ

اقوام متحدہ کا کہنا ہے کہ اسرائیل غزہ پر حملے میں دو جوہری بموں جتنا بارود استعمال کرچکا ہے۔

اقوام متحدہ کی فلسطین سے متعلق خصوصی رپورٹ میں انکشاف کیا گیا ہے کہ اسرائیل غزہ پر اب تک 25 ہزار ٹن بارود استعمال کرچکا ہے جو دو جوہری بموں کے برابر ہے۔

رپورٹ میں کہا گیا کہ اسرائیلی فوج نے غزہ کی پٹی میں 12 ہزار سے زائد اہداف پر بمباری کرنے کا اعتراف کیا ہے۔ جو فی فرد 10 کلو گرام دھماکہ خیز مواد سے زیادہ بنتا ہے۔

رپورٹ کے مطابق اسرائیلی فورسز نے اسپتالوں، زرعی اراضی، تعلیمی اداروں اور گھروں کو مکمل طور پر تباہ کردیا ہے۔

اسرائیل کے حملوں میں 32 ہزار سے زائد فلسطینی شہید اور 70 ہزار سئ زائد زخمی ہوچکے ہیں جبکہ ہزاروں کو گرفتار بھی کیا گیا ہے۔

شہید ہونے والوں میں نصف سے زائد بچے اور خواتین شامل ہیں۔

اسرائیل اب تک یہ ثابت کرنے میں ناکام رہا ہے کہ غزہ میں مارے جانے والے مرد حماس سے تعلق رکھتے تھے۔