چیف جسٹس سپریم کورٹ قاضی فائز عیسیٰ کی زیر صدارت فل کورٹ اجلاس کا اعلامیہ جاری کر دیا گیا ہے۔
تفصیلات کے مطابق ہائیکورٹ کے 6 ججز کے مشترکہ خط کے حوالے سے چیف جسٹس کی زیر صدارت فل کورٹ اجلاس بلایا گیا، جس کا اعلامیہ جاری کر دیا گیا ہے۔
اعلامیے کے مطابق چیف جسٹس کو 26 مارچ کو ہائیکورٹ کے 6 ججز کا خط ملا تھا، خط میں الزامات کی سنگین کو دیکھتے ہوئے چیف جسٹس نے ججز سے ملاقات کی۔
چیف جسٹس نے چیف جسٹس اسلام آباد ہائیکورٹ اور دیگر ججز سے ملاقات کی، چیف جسٹس قاضی فائزعیسیٰ نے ہائیکورٹ کے ججز کو اپنے گھر بلایا، چیف جسٹس نےاڑھائی گھنٹے کی ملاقات میں ججز کو انفرادی طور پر سنا۔
فل کورٹ اجلاس کے اعلامیے میں بتایا گیا ہے کہ 27 مارچ کو چیف جسٹس نے وزیر قانون اوراٹارنی جنرل سے ملاقات کی، چیف جسٹس نے پاکستان بار ممبران اور سپریم کورٹ بار صدر سے بھی ملاقات کی۔
سپریم کورٹ کے فل کورٹ اجلاس کے اعلامیے کے مطابق 27 مارچ کو چیف جسٹس نے فل کورٹ اجلاس بھی طلب کیا، فل کورٹ اجلاس میں اکثریت نے ہائیکورٹ ججز کے خط کا جائزہ لیا۔
جائزہ لینے کے بعد چیف جسٹس کی وزیراعظم سے ملاقات پراتفاق کیا گیا، فل کورٹ اجلاس کے نتیجے میں چیف جسٹس کی وزیراعظم سے ملاقات ہوئی۔
ملاقات میں وزیر قانون اوراٹارنی جنرل پاکستان بھی موجود تھے، چیف جسٹس نےعدلیہ کے امورمیں مداخلت برداشت نہ کرنے کا مؤقف اپنایا۔
چیف جسٹس اور سینئر جج کا مؤقف تھا کہ عدلیہ کی آزادی مضبوط جمہوریت کی بنیاد پر ہے، اور قانون کی حکمرانی آزادعدلیہ کی ضامن ہے۔
فل کورٹ اجلاس کے اعلامیے کے مطابق وزیراعظم سے ملاقات میں سینئر ترین جج نے بھی شرکت کی، وزیراعظم سےملاقات میں عدلیہ کی آزادی کو یقینی بنانے کی یقینی دہانی کرائی گئی۔
وزیر اعظم سے ججز کے خط کے معاملے پر انکوائری کمیشن تشکیل دینے پر اتفاق ہوا، ملاقات میں فیض آباد دھرنا کیس فیصلے پر عملدرآمد یقینی بنانے پر بھی اتفاق ہوا۔
چیف جسٹس نے کہا کہ عدلیہ میں کسی قسم کی مداخلت برداشت نہیں کی جائےگی، اور عدلیہ میں ایگزیکٹیو کی مداخلت کو بطور ادارہ بالکل برداشت نہیں کیا جائے گا۔
چیف جسٹس قاضی فائز عیسیٰ نے کہا کہ عدلیہ کی آزادی پرکوئی سمجھوتا نہیں ہو گا۔
جسٹس منصور علی شاہ نے کہا کہ آزاد عدلیہ مضبوط جمہوریت کیلئے بھی ضروری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News