ارجنٹائن کے اسٹار فٹبالر اینجل ڈی ماریا کو جان سے مارنے کی دھمکی دی گئی ہے۔
ارجنٹینا کے اسٹار فٹبالر اور ورلڈکپ فاتح ٹیم کے رکن اینجل ڈی ماریا کو اپنے آبائی گھر روزاریو میں جان سے مارنے کی دھمکی دی گئی ہے۔
اینجل ڈی ماریا ان دنوں پرتگالی چیمپئن بینفیکا کی نمائندگی کررہے ہیں تاہم فٹبالر اپنے بچپن کے کلب روزاریو سینٹرل سے اپنا آخری میچ کھیل کر پروفیشنل کیرئیر ختم کرنے میں دلچسپی رکھتے ہیں۔
تاہم انہیں اپنے بچپن کے کلب میں واپس آنے پر دھمکی دی گئی ہے، یہ دھمکی ان کے خاندان کے افراد کو بھجوائی گئی ہے جس میں کہا گیا ہے کہ اپنے بیٹے اینجل ڈی ماریو کو سمجھائیں کہ وہ روزاریو واپس نہ آئے ورنہ ہم اس کے خاندان کے ایک فرد کو قتل کردیں گے۔
رپورٹس کے مطابق خاندان کو دی گئی دھمکی میں کہا گیا ہے کہ صوبائی گورنر میکسمیلیانو پلارو بھی بھی آپ کو نہیں بچاسکیں گے، ہم کاغذی نوٹ نہیں چھوڑتے بلکہ اسنائپرز کو پیچھے چھوڑ دیتے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News