جام کمال خان نے کہا ہے کہ روس ایک وسیع مارکیٹ ہے جو پاکستانی برآمد کنندگان کو ترقی اور تنوع کے لیے کافی مواقع فراہم کرتا ہے۔
پاکستان میں روس کے سفیر البرٹ خوریو نے وفاقی وزیر تجارت جام کمال خان سے ملاقات کی جس میں روسی سفیر نے جام کمال کو چارج سنبھالنے پر مبارکباد دی جبکہ ملاقات میں تجارتی رابطے پر تبادلہ خیال بھی کیا گیا۔
ملاقات کا مقصد تجارتی رابطوں کو بڑھانا اور دو طرفہ تجارت کے حقیقی امکانات سے فائدہ اٹھانا ہے۔
ملاقات میں وفاقی وزیر تجارت جام کمال خان نے پاکستانی ٹرک ڈرائیوروں کو درپیش ویزا مسائل کے حوالے سے خدشات کو اجاگر کیا۔
جام کمال خان نے کہا کہ تجارتی تعلقات کو فروغ دینے کے لیے نئے راستے تلاش کرنے کی ضرورت ہے، سڑک کے ذریعے روس کو کنو کی برآمدات کے کامیاب آغاز کو سراہتے ہے۔
وفاقی وزیر تجارت جام کمال خان نے کہا کہ روس ایک وسیع مارکیٹ ہے جو پاکستانی برآمد کنندگان کو ترقی اور تنوع کے لیے کافی مواقع فراہم کرتا ہے، اس سال مالٹے کی پیداوار میں ریکارڈ اضافہ ہوا جس کی وجہ سے اس شعبے میں تجارت کو مزید بڑھانے کے کافی امکان موجود ہیں۔
ملاقات کے دوران سفیر نے وزیر جام کمال کو اپریل اور جولائی میں ہونے والی آئندہ نمائشوں کے لیے دعوت دی جبکہ تجارتی افق کو وسعت دینے کے لیے سفیر نے پاکستان سے روس کو حلال گوشت برآمد کرنے کی تجویز پیش کی۔
روس کے سفیر البرٹ خوریو نے ویزا سے متعلق مسائل کو جلد سے جلد حل کرنے کے یقین دہانی کرائی جبکہ روس کے سفیر نے ماسکو میں بین الحکومتی کمیشن (IGC) کے نویں اجلاس کی میزبانی کے لیے روسی فریق کی خواہش سے بھی آگاہ کیا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News