بھارتی بحریہ کا حاضر سروس اہلکار دوران ڈیوٹی لاپتہ ہونے کے بعد 8 روز سے لاپتہ ہے۔
غیر ملکی خبر رساں ادارے کے مطابق بھارتی بحریہ میں شامل سیلر ساحل ورما 27 فروری کو بحریہ کے ایک جہاز سے دوران ڈیوٹی لاپتہ ہوگیا تھا جس کا تاحال کوئی سراغ نہیں مل سکا ہے۔
لاپتہ بھارتی سیلر کے والدین نے اس معاملے کی سی بی آئی انکوائری کا مطالبہ کردیا ہے۔
لاپتہ بھارتی سیلر کے والدین کو شبہ ہے کہ ان کے بیٹے کو جان بوجھ کر غائب کیا گیا ہے کیونکہ جہاز میں 400 افراد سوار تھے لیکن جموں سے تعلق رکھنے والا صرف ان کا بیٹا تھا جو لاپتہ ہوگیا ہے۔
یہ معاملہ اس لیے بھی مشکوک ہے کہ ایک سپاہی بحریہ کے جہاز سے بغیر کسی سراغ کے کیسے غائب ہو گیا۔ اس کے علاوہ سی سی ٹی وی کیمروں میں شواہد کی عدم موجودگی پر بھی سوالیہ نشان لگ چکا ہے۔
لاپتہ سیلر ساحل ورما کے والد نے اپنے بیٹے کے لاپتہ ہونے کے واقعے پر سوال اٹھاتے ہوئے جہاز کے ایک دن کے لیے اڈے پر واپس آنے اور پھر دوبارہ روانہ ہونے پر تشویش کا اظہار بھی کیا
ساحل ورما کے خاندان کا دعویٰ ہے کہ اس واقعے کی اطلاع دینے میں بھی بھارتی حکام نے جان بوجھ کر تاخیر کی اور واقعے کے دو دن بعد ایک بورڈ آف انکوائری شروع کی گئی۔
لاپتہ نیوی سیلر کے والدین نے ان کے بیٹے کی تلاش کے لیے سرچ آپریشن نہ ہونے پر عدم اطمینان کا اظہار کیا۔
واضح رہے کہ اس واقعے نے بھارتی نیوی کے نام نہاد پیشہ ورانہ دعوؤں کا پول کھول دیا ہے جب کہ بھارت کے اپنے حاضر سروس اہلکار کا دوران ڈیوٹی غائب ہوجانا بھارتی اداروں کی ناکامی کا منہ بولتا ثبوت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News