عطاءاللہ تارڑ نےکہا ہے کہ مس انفارمیشن اور فیک نیوز پر قابو پانے کی ضرورت ہے۔
وفاقی وزیر اطلاعات عطاءاللہ تارڑ سے برطانوی ہائی کمیشن کی پولیٹیکل قونصلر مس زوئی ویئر کی ملاقات ہوئی جس میں مس زوئی ویئر نے مسلم لیگ (ن) کو حکومت کی تشکیل اور عطاءاللہ تارڑ کو وزارت اطلاعات کا قلمدان سنبھالنے پر مبارکباد دی۔
ملاقات میں دونوں ممالک کے درمیان تعلقات، میڈیا کے شعبوں میں تعاون کے فروغ سمیت مختلف امور پر تبادلہ خیال ہوا جبکہ ملاقات میں فلم اور ڈرامہ کے شعبوں میں تعاون پر بھی تبادلہ خیال ہوا۔
اس موقع پر وفاقی وزیر اطلاعات عطاءاللہ تارڑ نےکہا کہ مس انفارمیشن، ڈس انفارمیشن اور فیک نیوز پوری دنیا کا مسئلہ ہے اور اس پر قابو پانے کی ضرورت ہے۔
وفاقی وزیر اطلاعات عطاءاللہ تارڑ نے مزید کہا کہ سوشل میڈیا پر سب سے بڑا چیلنج جعلی خبریں ہیں ، صحافیوں کو سوشل میڈیا پر تصدیق کے عمل کو اپنانا چاہئے اور سوشل میڈیا سے متعلق پوری دنیا کو مل کر ضابطہ اخلاق تیار کرنا ہوگا
ملاقات میں برطانوی ہائی کمیشن کی پولیٹیکل قونصلر مس زوئی ویئر نے پاکستان اور برطانیہ کے درمیان دو طرفہ تعلقات کے فروغ کیلئے اپنے بھرپور تعاون کا یقین دلایا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News