بشام میں خودکش دھماکے میں چینی باشندوں کی ہلاکت پر مختلف رہنماؤں نے مذمت کی اور اظہار افسوس کیا۔
وزیر اعظم شہباز شریف نے آج چینی سفارت خانے کا دورہ کیا اور چینی سفیر سے ملاقات کی۔
وزیر اعظم شہباز شریف آج چینی سفارت خانے پہنچے، ان کے ہمراہ وزیر خارجہ اسحاق ڈار، وزیر اطلاعات عطاء اللہ تارڑ اور وزیر داخلہ بھی وزیر اعظم کے ہمراہ تھے۔
وزیر اعظم نے چینی سفیر سے ملاقات کی اور دہشتگردی کے واقعہ کی شدید الفاظ میں مذمت کی، انہوں نے چینی باشندوں کی ہلاکت پر چینی سفیر سے اظہار تعزیت کی۔
وزیراعظم نے چینی سفیر کو ملوث عناصر کے خلاف فوری اور سخت کارروائی کی یقین دہانی کرائی۔
صدر آصف زرداری نے بشام میں غیر ملکی باشندوں پر حملے کی مذمت کی اور حملےمیں چینی باشندوں کی ہلاکت پررنج وغم کا اظہار کیا اور ان کے اہلخانہ اور حکومت سے اظہار تعزیت کی۔
چیئرمین پیپلزپارٹی بلاول بھٹوکی بشام میں دہشتگردی کی مذمت کی انہوں نے خودکش حملےمیں چینی باشندوں کی ہلاکت پراظہار افسوس کیا اور کہا کہ دہشتگردی میں ملوث منصوبہ سازوں اور سہولت کاروں کا سخت سزا دی جائے۔
بلاول بھٹو کا بشام میں جاں بحق افراد کے لواحقین سے ہمدردی اورتعزیت کا اظہار کیا انہوں نے زخمیوں کی جلد صحت یابی کے لیے دعا کی۔
وفاقی وزیرداخلہ محسن نقوی نے شانگلہ میں خودکش حملےکی شدید مذمت کی جاں بحق غیر ملکیوں کے خاندانوں سے دلی ہمدردی کا اظہار کیا، انہوں نے کہا کہ جاں بحق چینی شہریوں کے لواحقین سے یکجہتی کا اظہار کرتے ہیں۔
وفاقی وزیر داخلہ محسن نقوی نے مزید کہا کہ غیر ملکی باشندوں پرحملے کی جتنی بھی مذمت کی جائے کم ہے، یہ حملہ غیر ملکیوں پر نہیں بلکہ پاکستان پر ہے اور دشمن کو اس حملے کا سخت جواب دیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News