صدر مملکت آصف علی زرداری نے کہا ہے کہ پاکستان کے جواہرات اور زیورات کے شعبے میں ترقی کی بڑی صلاحیت ہے۔
صدر مملکت آصف علی زرداری کی زیرِ صدارت شعبہ جواہرات اور جیولری کی ترقی کے حوالے سے اجلاس ہوا جس میں صدر مملکت کو سی ای او پاکستان جیمز اینڈ جیولری ڈویلپمنٹ کمپنی نے شعبے کی ترقی کیلئے اسٹریٹجک پلان کے بارے میں آگاہ کیا۔
اجلاس میں پاکستان جیمز اینڈ جیولری ڈویلپمنٹ کمپنی کے سی ای او سمیت اعلیٰ سرکاری حکام نے شرکت کی۔
صدر مملکت آصف علی زرداری نے اجلاس کی صدارت کرتے ہوئے کہا کہ پاکستان کی قیمتی پتھروں کی مصنوعات کی بہتر مارکیٹنگ اور تشہیر کی ضرورت ہے ، ملکی جواہرات اور جیولری کے شعبے کی ترقی پر توجہ دینا ہوگی۔
آصف علی زرداری نے کہا کہ پاکستان کے جواہرات اور زیورات کے شعبے میں ترقی کی بڑی صلاحیت ہے ، قابلِ قدر مصنوعات کی برآمد ات سے پاکستان قیمتی زرمبادلہ کما سکتا ہے۔
انہوں نے یہ بھی کہا کہ ملکی ترقی کیلئے جیمز اور جیولری کے شعبے سے بھرپور استفادہ کرنا ہوگا، جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی جبکہ غیر ملکی سرمایہ کاری سے ملکی معیشت بہتر بنانے ، مقامی آبادی کیلئے روزگار کے مواقع کھولنےمیں مدد ملے گی۔
صدر مملکت آصف علی زرداری نے جواہرات اور جیولری کے شعبے میں تنوع لانے، صنعتوں کے فروغ کی ضرورت پر بھی زور دیا او کہا کہ مقامی افرادی قوت کی تربیت اور ہنر مندی میں اضافے پر توجہ دینا ہوگی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News