آفریدی اور پیٹرسن سمیت کئی سابق کرکٹر ورلڈ چیمپئن شپ آف لیجنڈز میں جلوہ گر ہوں گے

ویب ڈیسک

21st Mar, 2024. 03:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آفریدی اور پیٹرسن سمیت کئی سابق کرکٹر ورلڈ چیمپئن شپ آف لیجنڈز میں جلوہ گر ہوں گے

سابق کرکٹر شاہد آفریدی، یوراج سنگھ، کرس گیل اور پیٹرسن ورلڈ چیمپئن شپ آف لیجنڈز میں شرکت کریں گے۔

ورلڈ چیمپئن شپ آف لیجنڈز کا آغاز 3 جولائی 2024 سے برطانیہ کے مقام ایجبسٹن میں ہونے جارہا ہے جس میں شاہد آفریدی، یوراج سنگھ، کرس گیل اور پیٹرسن سمیت کئی سابق اسٹار کرکٹرز شامل ہوں گے۔

ٹورنامنٹ کے افتتاحی میچ میں انگلینڈ کا مقابلہ بھارت سے ہوگا جب کہ اسی دن پاکستان کا بھی دلچسپ مقابلہ آسٹریلیا سے ہوگا۔

4 جولائی کو پاکستان کا دوسرا مقابلہ ویسٹ انڈیز سے ہوگا جب کہ دن کے دوسرے میچ میں جنوبی افریقہ کی ٹیم انگلینڈ کے مدمقابل ہوگی۔

5 جولائی کو پہلا میچ بھارت اور ویسٹ انڈیز کے درمیان ہوگا، دوسرا میچ آسٹریلیا اور جنوبی افریقہ کی ٹیموں کے درمیان کھیلا جائے گا۔

ٹورنامنٹ کا سب سے ہائی وولٹیج پاک بھارت میچ 6 جولائی کو شیڈول ہے جو یقینی طور پر دنیا بھر کے کرکٹ شائقین کو مسحور کر دے گا۔

واضح رہے کہ ٹورنامنٹ کا سیمی فائنل 12 جولائی کو ہوگا جس میں پوائنٹس ٹیبل پر سر فہرست 4 ٹیمیں مدمقابل ہوں گی جب کہ فائنل مقابلہ 13 جولائی کو کھیلا جائے گا۔