سابق کرکٹر شاہد آفریدی، یوراج سنگھ، کرس گیل اور پیٹرسن ورلڈ چیمپئن شپ آف لیجنڈز میں شرکت کریں گے۔
ورلڈ چیمپئن شپ آف لیجنڈز کا آغاز 3 جولائی 2024 سے برطانیہ کے مقام ایجبسٹن میں ہونے جارہا ہے جس میں شاہد آفریدی، یوراج سنگھ، کرس گیل اور پیٹرسن سمیت کئی سابق اسٹار کرکٹرز شامل ہوں گے۔
ٹورنامنٹ کے افتتاحی میچ میں انگلینڈ کا مقابلہ بھارت سے ہوگا جب کہ اسی دن پاکستان کا بھی دلچسپ مقابلہ آسٹریلیا سے ہوگا۔
4 جولائی کو پاکستان کا دوسرا مقابلہ ویسٹ انڈیز سے ہوگا جب کہ دن کے دوسرے میچ میں جنوبی افریقہ کی ٹیم انگلینڈ کے مدمقابل ہوگی۔
5 جولائی کو پہلا میچ بھارت اور ویسٹ انڈیز کے درمیان ہوگا، دوسرا میچ آسٹریلیا اور جنوبی افریقہ کی ٹیموں کے درمیان کھیلا جائے گا۔
ٹورنامنٹ کا سب سے ہائی وولٹیج پاک بھارت میچ 6 جولائی کو شیڈول ہے جو یقینی طور پر دنیا بھر کے کرکٹ شائقین کو مسحور کر دے گا۔
واضح رہے کہ ٹورنامنٹ کا سیمی فائنل 12 جولائی کو ہوگا جس میں پوائنٹس ٹیبل پر سر فہرست 4 ٹیمیں مدمقابل ہوں گی جب کہ فائنل مقابلہ 13 جولائی کو کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News