شہری کی ہلاکت سے متعلق کیس میں کراچی کی مقامی عدالت نے عدالت نے کے ایم سی حکام سے مفرور ملزم کی تفصیلات طلب کرلیں۔
تفصیلات کے مطابق جوڈیشل مجسٹریٹ وسطی کی عدالت میں سائن بورڈ گرنے سے شہری کی ہلاکت کے کیس میں شریک ملزم کے ایم سی ڈائریکٹر اظہرعلی مسلسل عدالت سے غیر حاضررہنے پر عدالت نے کے ایم سی حکام سے مفرور ملزم کی تفصیلات طلب کرلیں۔
دورانِ سماعت عدالت نے کہا کہ مفرورملزم کی ولدیت اور شناختی کارڈ 22 اپریل سے پہلے فراہم کی جائیں، عدم فراہمی پرکے ایم سی حکام کے خلاف قانون کے مطابق کارروائی کی جائے گی۔
پراسیکیوشن نے کہا کہ سائن بورڈ گرنے کا واقعہ اگست 2023 کو پیش آیا تھا، واقعہ میں ایک شخص جاں بحق اور دو زخمی ہوگئے تھے۔
مقدمہ میں میونسپل کمشنر اختر شیخ، کے ایم سی ڈائریکٹر تسلیم احمد، اظہرعلی و دیگر نامزد ہیں۔ اظہرعلی کے علاوہ تمام ملزمان سیشن عدالت سے ضمانت لے چکے ہیں۔
عدالت ملزم اظہرعلی کے ناقابلِ ضمانت وارنٹ گرفتاری جاری کرچکی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News