2021 میں کابل ایئرپورٹ پر ہونے والے خود کش حملے کی مزید تفصیلات منظر عام پر آگئیں۔

2021 میں افغانستان سے امریکہ کے انخلاء کے دوران کابل ایئرپورٹ پر دہشت گردوں کی جانب سے خودکش حملہ کیا گیا تھا۔

خود کش دھماکے میں 170 سے زائد افغان شہری جاں بحق جب کہ 13 امریکی اہلکار ہلاک ہوگئے تھے، کابل ایئر پورٹ پر حملہ آئی ایس آئی ایس- کے سے وابستہ دہشت گرد کے ذریعے کیا گیا تھا۔

آئی ایس آئی ایس- کے کا دہشت گرد عبدالرحمنٰ لوگاری افغانستان میں زیر حراست تھا جسے طالبان نے امریکی انخلاء کے بعد رہا کردیا تھا۔

این بی سی نیوز کے مطابق امریکی ملٹری رپورٹ میں پہلی بار عبدالرحمنٰ لوگاری کی شناخت کی گئی ہے۔

2021 میں افغانستان پر طالبان قبضے کے بعد ہزاروں افغان شہری ملک سے فرار ہونے کی کوشش میں کابل ایئر پورٹ پر جمع ہوئے تھے۔ اس انخلاء کو ناکام بنانے کے لئے کابل ایئرپورٹ پر خود کش حملہ کروایا گیا۔

حملے کے ایک دن بعد آئی ایس آئی ایس – کے افغانستان نے بھی دہشت گرد ال لوگاری کی شناخت خودکش بمبار کے طور پر کی تھی، اگست 2021 کے میں طالبان کے کابل پر قبضے کے بعد افغان جیلوں سے رہا ہونے والے ہزاروں دہشت گردوں میں عبدالرحمٰن لوگاری بھی شامل تھا۔