سپریم کورٹ کا عدلیہ میں مداخلت کے سامنے رکاوٹیں کھڑی کرنے کا فیصلہ
اسلام آباد: عدلیہ میں مبینہ مداخلت کے کیس میں اسلام آباد ہائی کورٹ بار نے سپریم کورٹ سے رجوع کرلیا۔
اسلام آباد ہائی کورٹ بار نے ججز کے خط کی تحقیقات کے لئے آئینی درخواست دائر کردی ہے جس میں اسلام آباد ہائی کورٹ بار نے استدعا کی کہ عدالت ہائی کورٹ ججز کے خط کی روشنی میں شفاف تحقیقات کرائے۔
درخواست میں کہا گیا ہے کہ شفاف تحقیقات کے بعد عدلیہ کو نیچا دکھانے والوں کے خلاف کارروائی کی جائے، معاملہ اگر سپریم جوڈیشل کونسل سے متعلقہ ہو تو عدالت کونسل کو جائزے کے لئے سفارشات بھیجے۔
درخواست میں یہ بھی کہا گیا ہے کہ اسلام آباد ہائی کورٹ کے چھ ججز نے خط میں سنگین نوعیت کے واقعات بیان کیے۔
اسلام آباد ہائی کورٹ بار نے درخواست میں مزید کہا کہ آزاد عدلیہ آئین کی بنیاد اور فراہمی انصاف کا واحد ذریعہ ہے، عدلیہ کی آزادی پر سمجھوتہ کسی صورت قابل قبول نہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
