ڈنمارک کے تاریخی کوپن ہیگن اسٹاک ایکسچنج میں خوفناک آتشزدگی رپورٹ ہوئی ہے۔
غیر ملکی خبر رساں ادارے کے مطابق کوپن ہیگن کے اسٹاک ایکسچنج میں آگ کی شدت اتنی زیادہ تھی کہ دیکھتے ہی دیکھتے پوری عمارت کو آگ نے اپنی لپیٹ میں لے لیا۔
رپورٹ کے مطابق مذکورہ عمارت ڈنمارک کے تاریخی ورثے میں شمار ہوتی ہے جس کی چوٹی پر تین تاج بھی آویزاں تھے جو کہ ڈنمارک، سویڈن اور ناروے کی سلطنتوں کی علامت تھے۔
پولیس کے مطابق کسی جانی نقصان کی اطلاعات اب تک موصول نہیں ہوئی تاہم ڈینش لائف گارڈ کے 90 اہلکاروں کو اسٹاک ایکسچینج سے آرٹ اور قیمتی اشیاء جیسے کتابوں کو بچانے میں مدد کے لیے بلایا گیا ہے۔
علاوہ ازیں نیشنل میوزیم کے 25 ملازمین کو بھی اس بات کو ترجیح دینے کے لیے بلایا گیا ہے کہ کن چیزوں کو پہلے محفوظ کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News