وزیراعلیٰ کے پی کی ہدایات پربارشوں سے متاثرہ اضلاع میں ریلیف سرگرمیاں جاری ہیں۔
تفصیلات کے مطابق وزیر اعلیٰ خیبر پختونخواہ کی ہدایت اور پی ڈی ایم اے کی جانب سے متاثرہ اضلاع میں امدادی سامان روانہ کردیا گیا ہے۔
بارش اور سیلات سے سوات، مہمند، پشاور، لوئرچترال اور لوئرکوہستان کے متاثرہ اضلاع میں شامل ہیں۔
امدادی سامان میں خیمے، کمبل اور ہائی جین کٹس شامل ہیں جبکہ متاثرین کیلئےاعلان کردہ مالی امدادکےچیکس کی تقسیم کاعمل بھی شروع ہوگیا ہے۔
وزیراعلیٰ علی امین گنڈا پور نے پی ڈی ایم اے اور متعلقہ ضلعی انتظامیہ کو کام تیزکرنے کی ہدایت جاری کی ہیں۔
انہوں نے کہا کہ متاثرین کوبروقت امداد کی فراہمی یقینی بنائی جائے، مجھے مختلف حادثات میں قیمتی جانوں کےضیاع پردلی صدمہ ہوا ہے۔
وزیر اعلیٰ نے کہا کہ حادثات میں زخمی ہونے والوں کی جلد صحتیابی کیلئے دعاگو ہوں اور جاں بحق افراد کے لواحقین کےغم میں برابر کے شریک ہیں۔
انہوں نے کہا کہ مصیبت کی اس گھڑی میں متاثرین کو تنہا نہیں چھوڑیں گے۔
وزیر اعلیٰ خیبر پختونخواہ علی امین گنڈا پور نے مزید کہا کہ متاثرین کی بحالی کیلئےتمام وسائل بروئےکارلائیں گے اور انفرااسٹرکچرکی بحالی کیلئے اقدامات کیے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News