شرجیل میمن نے کہا ہے کہ جرائم کی روک تھام میں بےروزگاری،بدامنی ایک بڑاچیلنج ہے، کرسٹل اورآئس کے نام سے نئی منشیات متعارف ہوئی جوخطرناک ہے۔
صوبائی وزیراطلاعات شرجیل انعام میمن نے پریس کانفرنس کرتے ہوئے کہا کہ سندھ میں کچے کےعلاقے میں آپریشن جاری ہے، وزیرداخلہ اور آئی جی سندھ کچے کے علاقے میں موجود ہیں، امن وامان صرف سندھ نہیں پورے ملک کا مسئلہ ہے۔ غیر قانونی مقیم افراد وارداتوں میں گرفتار ہورہے ہیں۔
شرجیل میمن نے کہا کہ کراچی میں پولیس مقابلوں کے دوران 11 ڈاکو مارے گئے، کراچی میں مختلف وارداتوں میں ملوث لوگوں کو گرفتار کیا گیا، ملک بھر کی طرح سندھ میں بھی منشیات کا مسئلہ ہے، اپریل میں 104 کرمنلز کو گرفتار کیا گیا۔
صوبائی وزیراطلاعات نے کہا کہ راجا گینگ کے 7 ملزمان کو گرفتارکیا گیا ہے، کوئی حکومت نہیں چاہتی عوام کو تکلیف پہنچے۔ جو گرفتار ہوئے ان میں غیر قانونی مقیم افراد شامل ہیں۔ وزیراعلیٰ امن وامان کی صورتحال کی خود نگرانی کررہے ہیں۔ جرائم کی روک تھام میں مہنگائی، بے روزگاری، غیرقانونی تارکین بڑا چیلنج ہے۔
انھوں نے کہا کہ کرسٹل اورآئس کے نام سے نئی منشیات متعارف ہوئی جوخطرناک ہے، پاکستان کے پاس طاقتور ترین فورسز موجود ہیں، ملک بھرمیں فورسز دہشتگردوں کا مقابلہ کر رہی ہیں، 13 افراد کو اب تک بازیاب کرایاجاچکاہے، نگراں حکومت کے دور میں واقعات میں اضافہ ہوا ہے، کچے کے علاقے کے حالات میں کافی بہتری آئی ہے۔
شرجیل میمن نے کہا کہ شکار پور کےبھی 3مغویوں کو بازیاب کرایاگیا، 15روزمیں گھوٹکی اوردیگر مقامات سےمغویوں کو بازیاب کرایا گیا، پولیس اور رینجرز کی جانب سے ٹارگٹڈآپریشن جا ری ہے، کراچی میں گزشتہ ایک ہفتے میں 59ملزمان کو گرفتارکیا گیا۔ 6افرادکو ہنی ٹریپ کے ذریعے اغوا ہونے سے بچایا۔
صوبائی وزیرسندھ نے کہا کہ حکومت چاہتی ہے غیر قانونی مقیم فراد کو بےدخل کیاجائے، اپریل میں11مقابلوں میں11ملزمان ہلاک، 60زخمی گرفتارکیے، 338ممالک میں سے کراچی کا نام جرائم میں 78واں ہے، ایسی منشیات ہیں جن سے سوچنے سمجھنے کی صلاحیت ختم ہوجاتی ہے، والدین سے گزارش ہے اپنے بچوں اورانکے دوستوں پر نظررکھیں، عوام کو ریلیف اورسہولت کے لیےنئی پنک بس آرہی ہیں۔
شرجیل میمن نے کہا کہ 19اپریل سے پیپلزبس سروس کے دو روٹس شروع کر رہے ہیں، میرپور خاص میں بھی پنک بس سروس شروع کر رہے ہیں، 20اپریل کو میر پور خاص میں پنک بس سروس شروع کرنے جا رہے ہیں، بلیولائن بس سروس بھی جلد شروع کریں گے، ایم کیو ایم تعصب کی سیاست کر رہی ہے، ایم کیوایم نے اپنے طرز سیاست سے کچھ نہیں سیکھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News